„Тојота“ се обложува на водород – реална можност или куршум во празно?

Возилата на „Тојота“ (Toyota) се ценети поради нивната разумност - во цената, изгледот и општите карактеристики. Во стратегиска смисла, „Тојота“ како компанија има разумен пристап, кој може да се окарактеризира како внимателна диверзификација. „Тојота“, и покрај големиот регулаторен притисок, се фокусираше на тоа каде што е лидер - хибридните возила. Оваа стратегија има смисла, „Тојота“ не ги става сите свои јајца во ист кош и со тоа го ублажува деловниот ризик. Ставот на Акидо Тојода е дека фокусот кон постигнување „нето нула“ е претесен и дека е подобро да има повеќе потенцијални решенија. Исто така, ненадејната промена во технологијата ќе им се закани на многу бизниси (кои инаку беа специјализирани за мотори со внатрешно согорување). Едно од овие решенија е водородот, во кој „Тојота“ инвестираше милијарди евра. Сè од почетокот на развојот на технологијата и истражувањето во средината на 1990-тите, воведувањето на првиот сериски произведен модел на водород (Toyota Mirai), развојот на преносливи водородни горивни ќелии, па до денес.