Јапонските производители на автомобили, иако сè уште се доминантни на пазарите во развој, како што е Југоисточна Азија, сепак забележаа дека во текот на минатите три години нивната предност таму постепено се намалува за сметка на растот на кинеските ривали, објави „Блумберг интелиџенс“ (Bloomberg Intelligence).
„Во Тајланд кинеските производители на автомобили доминираат во продажбата на електрични возила, при што само БЈД (BYD) има удел од 40 проценти во вкупниот волумен на пазарот, додека уделот на јапонските брендови останува под еден отсто“, се наведува во објавата на „Блумберг интелиџенс“, посочувајќи дека растот на профитот за јапонските производители на автомобили може да се намали во фискалните 2025 и 2026 година, главно поради тоа што и натаму може да опстане слабоста на продажбата во Југоисточна Азија и Кина. Друга загриженост е планот на Доналд Трамп доколку победи на претседателските избори во САД да ги исклучи возилата што не се произведени во САД од даночното олеснување.
Во текот на оваа работна недела се очекува „Тојота“ (Toyota Motor Corp.) и „Нисан“ (Nissan Motor Co.) да ги објават податоците за заработка, кои ќе укажат на изгледите за јапонската автомобилска индустрија во услови на слаба глобална побарувачка, намалено производство и интензивна конкуренција.
Прочитај повеќе
„Фолксваген“ планира затворање на три фабрики во Германија
Освен затворање, се планира и кратење на сите плати за 10 отсто
28.10.2024
Производителите на возила заглавени во проблеми - пад на продажбата во Европа
Регистрациите на нови автомобили опаднаа за 4,2 отсто во споредба со пред една година, на 1,12 милион возила.
22.10.2024
Автомобили и криза - колку заработуваат компаниите по возило
Во текот на изминатите четири години оперативната маржа на индустријата се зголеми, според податоците на терминалот на „Блумберг“.
18.10.2024
Како се изјалови големата европска надеж за батерии за електрични возила?
Шведски „Нортволт“ долго се сметаше за европски конкурент на кинеските гиганти за батерии, а сега бизнисот се бори за опстанок по низата оперативни грешки.
08.10.2024
Според првичните процени, кварталните оперативни приходи на „Нисан“ можеби паднале дури за 66 проценти. Инфлацијата, слабата продажба на нејзините главни пазари и растечката конкуренција влијаеле врз профитот, сметаат од „Блумберг интелиџенс“.
Оперативниот профит на „Тојота“, пак, во вториот квартал веројатно падна за првпат во последните две години бидејќи приходите беа намалени во сите региони освен во Европа. Производството на оваа компанија се соочи со проблеми предизвикани од скандалот со тестирање возила, повисоките трошоци за продажба и поддршката за доставувачите, соопштија од „Блумберг интелиџенс“. Но производителот на автомобили планира да го зголеми производствениот капацитет на батерии за електрични и хибридни возила во САД.
.webp){kind=icon}
