Автомобили и криза - колку заработуваат компаниите по возило

Автомобилската индустрија е во криза. „Фолксваген“ (Volkswagen) наскоро би можел да затвори две фабрики во Германија, конкурентот „Стелантис“ (Stellantis) исто така има проблеми со вишокот производство. Тешко е да се најде компанија што нема проблеми во моментов. Разгледавме какви маржи остваруваат автомобилските компании и пресметавме - каде што е можно - колку приходи остваруваат по автомобил.

Нема големи тајни кога станува збор за маржите. Во текот на изминатите четири години оперативната маржа на индустријата се зголеми, според податоците на терминалот на „Блумберг“. Оперативната маржа укажува на профитабилноста на продажбата. Автомобилските компании може да се класифицираат во три или четири групи. Некои генерираат негативна оперативна маржа, најчесто тоа се стартапи што сè уште не остваруваат профит или трошат премногу пари при создавањето одреден производ. Такви, на пример, се компании како што се американските „Лусид“ (Lucid) и „Ривиан“ (Rivian), шведската „Полстар“ (Polestar) и кинеската „Нео“ (Nio). „Лусид“ имаше маржа од -472 проценти во 2023 година, додека „Ривиан“ имаше маржа од -108 проценти.

Пониските маржи се движат до шест проценти, а повисоките, добрите маржи достигнуваат и до 12 проценти, а ги остваруваат најголемите производители. Над 12 проценти се многу високи маржи, кои ги постигнуваат само неколку производители.

Клуб на извонредни

Италијанскиот производител „Ферари“ отсекогаш бил познат по најголемите маржи. Оперативната маржа надмина 27 проценти во 2023 година. Брендот продава сè поскапи модели, за кои се борат сѐ повеќе клиенти. Продажбата беше рекордна со 13.663 примероци, но сепак мала во споредба со другите производители. Маржата продолжува да расте, приближувајќи се до 30 проценти во првите два квартала.

Во клубот на многу високи маржи е и „Ламборгини“ (Lamborghini). Италијанскиот бренд, кој во минатото неколкупати завршуваше во стечај, одлично работи под покровителство на германскиот концерн. Годишниот извештај на „Ауди“ (Audi) ги открива основните деловни податоци. Приносот од продажбата се зголеми од 1,3 процентни поени на 27,2 процентни поени во 2023 година. Приходите беа 2,66 милијарди евра, а оперативната добивка беше 723 милиони евра. Во друштво на екстремно високите маржи се уште два бренда на германскиот концерн: „Бентли“ (Bentley) и „Порше“ (Porsche), кои остваруваат принос од продажба од 20,1 и 18,6 проценти.

„Шкода“ со поголема маржа од „Фолксваген“

Какви маржи има најголемиот европски производител на автомобили, кој е во криза? Во „Фолксваген“ профитабилноста од продажбата се пресметува на неколку нивоа. Оперативната маржа на ниво на групација падна од 8,1 на седум проценти во 2023 година. За основните брендови, односно „фолксваген“, „шкода“, „сеат“/„купра“ и групата комерцијални возила „фолксваген“, таа се зголеми од 3,6 на 5,3 проценти. Таа беше најниска кај патничкиот бренд „фолксваген“, каде што изнесува 3,8 проценти. Во првата половина на 2024 година оперативната маржа падна на 2,3 проценти. Програмата за комерцијални возила постигна принос од 7,9 проценти во 2023 година. „Сеат“ и „купра“ постигнаа поврат од продажба од пет проценти во 2023 година, што се зголеми на 5,2 проценти во првата половина од годинава.

„Шкода“ помина најдобро - можеби изненадувачки, објавувајќи оперативна маржа од 6,6 проценти во 2023 година, која се зголеми на 8,4 проценти во 2024 година, според најновите објавени деловни бројки. Пониската маржа на „Фолксваген“ може да им се припише на трошоците за развој, кои во најголема мера се на товар на брендот „фолксваген“, а од  плодовите имаат корист сите брендови во концернот. Тоа особено се однесува на брендовите „шкода“, „купра“ и „сеат“. Престижните брендови исто така имаат корист од споделувањето компоненти и технологии. Од развојот на „фолксваген туарег“, на пример, корист имаа и „Ауди“, „Порше“, „Бентли“ и „Ламборгини“.

Брендот „прогресив“ на „Фолксваген“, кој ги комбинира „ауди“, „бентли“ и „ламборгини“, постигна оперативна маржа од девет проценти. Меѓу нив, „Ауди“ има најниска оперативна маржа од 7,6 отсто.

БМВ (BMW Group) не открива посебни бројки за маржата за брендовите БМВ, „мини“ и „ролс-ројс“. Тие само ги раздвојуваат податоците помеѓу делот за автомобили и за мотоцикли. Првиот генерира оперативна маржа од 9,8 проценти во 2023 година, додека вториот постигна оперативна маржа од 8,1 проценти.

„Ферари“ заработува најмногу по автомобил

Пресметката ја извршивме користејќи подетални деловни податоци. Приходите на автомобилските одделенија ги поделивме со бројот на испорачани возила. Податоците ги откриваат просечниот приход по автомобил и нивната просечна вредност. Можевме да пресметаме податоци само за неколку бренда каде што приходите се исто така пријавени одделно, по автомобилски одделенија.

Детални информации не даваат „Стелантис“, „Тојота“ и „Форд“. Вкупниот приход не ја покажува вистинската слика, бидејќи ги вклучува приходите на финансиските ресори.

 

Во моментов нема коментари за веста. Биди прв да коментира...

Остави коментар