НЛБ планира да издаде корпоративни обврзници вредни 300 милиони евра

Најголемата словенечка банка Нова Љубљанска банка планира да издаде тригодишни корпоративни обврзници во вредност од 300 милиони евра. Обврзниците (senior preffered bonds/ang) ќе бидат наменети за исполнување на минималниот услов за капитал и квалификувани обврски (MREL) и ќе бидат понудени на инвеститори надвор од Соединетите Американски Држави (САД), објаснуваат од НЛБ во соопштението за медиумите.

НЛБ, на чело со извршниот директор Блаж Бродњак, го додели мандатот за издавање обврзници на Citigroup Global Markets Europe, Erste Group Bank и BofA Securities Europe, кои заедно со претставници на најголемата словенечка банка ќе организираат серија презентациски состаноци со информирани инвеститори. Тригодишните обврзници имаат и одредба за предвремен откуп по две години, јавува уредничката канцеларија на Bloomberg Adria во Словенија.

Обврзниците претставуваат директни необезбедени и неподредени обврски на издавачот. Издавањето и продажбата на обврзниците на НЛБ Банка, што започнува во четврток, на 7 јули, се спроведува во согласност со правилата и прописите на Луксембуршката берза, а хартиите од вредност може да се понудат на професионални инвеститори. Обврзниците ќе имаат кредитен рејтинг БББ од рејтинг агенцијата Стандард и Пурс.

Процесот се очекува да биде отворен до 11 јули. Регистрацијата и исплатата на обврзниците може да ја вршат и поканети инвеститори.

НЛБ има своја банка и во Македонија која е една од водечките во земјава.

Во моментов нема коментари за веста. Биди прв да коментира...

Остави коментар