Само две недели откако Мудис објави дека го крева кредитниот рејтинг на Хрватска на инвестициско ниво, Фич ја објави својата одлука дополнително со што сега според Агенцијата рејтингот на земјата е на ниво БББ+. На почетокот на мај, Fitch Ratings веќе го подигна кредитниот рејтинг на Хрватска за едно ниво, од BBB- на BBB.
Очигледно, „Фич“ ја чекаше официјалната потврда за влезот на Хрватска во еврозоната на 1 јануари 2023 година, пред да се одлучи на овој потег. Во објаснувањето на својата одлука за зголемување на кредитниот рејтинг на Хрватска, „Фич“ напиша дека тоа го одразува воведувањето на еврото и позитивните ефекти што тоа ќе ги има врз хрватските финансии. „Фич“ смета дека еврото ќе понуди предности како резервна валута, ќе ги намали трансакциските трошоци и ќе ги ограничи ризиците од курсни разлики.
Аналитичарите на Блумберг Адрија сметаат дека нема да има значително подобрување во однос на државниот долг, бидејќи пазарите веќе ги земаа предвид елементите на ова подобрување на рејтингот.
Истовремено, од Фич посочуваат дека подигнувањето на рејтингот за едно ниво на БББ+ и го донесе на Хрватска највисокото ниво на кредитен рејтинг во историјата, а тоа не се однесува само на агенцијата „Фич“, туку и на сите рејтинг агенции.
Претходно одлуката за воведување на еврото ја поттикна агенцијата Мудис да го промени кредитниот рејтинг на Хрватска. На крајот на јуни најавија подигање на хрватскиот кредитен рејтинг за два степена во средината на јули, на Баа2.
Според агенцијата Standard & Poor's (S&P), Хрватска е се уште на ниво BBB-, но можеби тоа наскоро ќе се промени. Хрватска, во најголем дел, се издигнува од шпекулативните нивоа на рејтинг, таканаречениот „ѓубре“ на кој беше со децении.
Како е во земјите од Адриа регионот?
Со натпросечен кредитен квалитет во регионот, Словенија води меѓу сите земји и има оценка AA- од S&P, А од Fitch, додека Moody's ги оценува со А3. Заедно со Словенците, само Хрватска успеа да добие инвестициски рејтинг, останатите земји од регионот се во „ѓубре“.
Србија е најблиску до инвестицискиот рејтинг, моментално S&P и Fitch ги оценуваат со BB+, што е на чекор од шпекулативниот рејтинг, додека стандардно најстрогиот Mood'y ги држи на Ba2, односно два чекори под нивото на инвестиции.
Македонија нема оценка од најстрогата агенција Moody's, од S&P-a има BB-, a од Fitch BB+. Со вакви оценки, земјата е пред Босна и Херцеговина и Црна Гора, но и натаму во групата земји за кои не е сигурно дека во иднина ќе можат да си ги исполнат обврските.
Црна Гора исто така не е оценета од сите три агенции. S&P ги оценува со B, a Moody's со B1. Ни Босна и Херцеговина нема оценка од Fitch. Според S&P има рејтиг B, a според Moody's B3. Или, оваа земја е најлошо оценета во регионот како моиментално способна да ги исполнува обврските, но со ризик дека тоа ќе може да го прави и во иднина.
Последната оценка земјава ја доби во април од Fitch – BB+ со негативен изглед, што го имаше и претходно. Тогаш, Министерството за финансии соопшти дека задржувањето на кредитниот рејтинг е особно значајно за РС Македонија во услови на глобална криза.
Претходно кредитниот рејтинг на РС Македонија го потврди Агенцијата „Стандард и Пурс“, „ББ-“ со стабилен изглед. Кредитниот рејтинг на една земја го покажува степенот на ризик од инвестирање во неа, и е еден од клучните индикатори коишто потенцијалните инвеститори ги земаат предвид при носење на нивните одлуки.
.webp){kind=icon}
