text size
Штедачите во Србија имаат најповолни стапки на штедење, покажува анализата на податоците на локалните централни банки во пет држави од регионот Адрија. Просечната каматна стапка на новопримените депозити кај нашиот северен сосед била 3,2 проценти во последниот квартал лани, а веднаш потоа следуваат македонските банки, со 2,8 проценти, пред босанско-херцеговските со 2,1 процент и хрватските и словенечките со по 1,8 проценти.
„Депозитите доминираат и во поразвиените пазари од нашиот, не е дека ние на Балканот сме ексклузивни по тоа, но сепак нивното учество во вкупниот финансиски имот на граѓаните е нешто помало. Не треба да заборавиме дека сме релативно неискусни како нација во полето на алтернативните можности за финансирање, но од година на година ситуацијата се менува, па гледаме дека вложувањата во акции, инвестициски фондови и слично растат побрзо од вложувањата во депозити, иако во апсолутна вредност сѐ уште предноста е далеку кај депозитите. Исто така, карактеристично е што депозитите се повеќе својствени за повозрасниот дел од популацијата, луѓето што во принцип имаат и поголеми заработки и можности за штедење, но се поконзервативни во пристапот, додека кај младите луѓе гледаме поголема отвореност кон алтернативните начини на инвестирање, кои се и поризични, се разбира“, истакнува Ивановски.
.webp){kind=icon}
