Во годината што ја оставаме зад нас глобалната економија закрепна бидејќи земјите успеаја да ги контролираат инфлацијата, геополитичките несигурности и транзицијата кон позелена и дигитална иднина. Иако изгледите за растот остануваат позитивни, се соочуваме со година на големи предизвици – најголемите се поврзани со нееднаквоста, долговите и геополитичките тензии.
Во вакво опкружување, трета година по ред, ние во „Блумберг бизнисвик Адрија“ ги избираме луѓето и идеите што ја обележија тековната година, но ќе имаат влијание и во следната.
Добро утро, ова се останатите пет вести кои се важни за почеток на денот
Преглед на берзите: Македонската берза годинава е меѓу најпрофитабилните во светот
Ја започнуваме неделата со финален поглед на берзата во 2024 година. Многу од светските берзи беа затворени или ограничени за време на божиќните празници минатата недела.
Македонскиот берзански индекс МБИ10 ја завршува 2024 година со раст од 65 отсто, со што вторпат по 2007 година ја достигна својата историски највисока вредност. Ја помина волшебната граница од 10.000 поени. Македонската берза годинава е меѓу најпрофитабилните берзи во светот, претекнувајќи ги дури и најважните берзи како Њујорк, Франкфурт и Лондон, како и сите регионални берзи.
Македонски стартап преку инвестициски самит во Абу Даби го освојува светот
Еден од најголемите предизвици на стартап-компаниите во Македонија и воопшто во светот е како по првичната реализација на својата идеја да обезбедат финансии за проширување, развој и пробив на глобално ниво. Вообичаено, финансии и соработка се бараат на Запад од различни инвестициски компании, фондови и бизнис-ангели. Меѓутоа, се чини дека работите полека географски се поместуваат и дека сè поголем потенцијал да се најдат инвеститори има во некои од развиените арапски земји, каде што финансии има повеќе од доволно и постои глад за нови стартап-проекти.
За тоа сведочи и искуството на сестрите Верица и Надица Горгиеви, кои стојат зад стартап-проектот „ЧиаДиа“ (ChiaDia) и се занимаваат со производство на здрави пијалаци базирани на чиа. Нивната стартап-започна пред речиси две години, кога за идејата добија поддршка од Фондот за иновации и технолошки развој, а патот до развој неодамна ги однесе на меѓународниот инвестициски самит во Абу Даби.
Блускај против X на Маск: Кој победува?
Американските избори станаа клучна пресвртница, не само поради растечкото влијание на социјалните мрежи како Тикток (TikTok) и мрежата X туку и поради контроверзиите поврзани со нивните сопственици. Тикток предизвикува загриженост поради кинескиот сопственик „Бајтденс“ (ByteDance), кој САД го сомничат за шпионирање во корист на Кинеската комунистичка партија. Од друга страна, мрежата X, под сопственост на Илон Маск, станува сè повеќе поврзана со политичката десница и поддршката за Доналд Трамп.
Објавите на Трамп предизвикуваат многу прашина, а неговата мрежа Трут (Truth Social) се користи како алатка за политички притисок, служејќи за пренесување ставови и најави за плановите на идната администрација. Неодамна Трамп преку мрежата му се закани на Брисел, пишувајќи: „Ако ЕУ не купува поголеми количества нафта и гас од САД, тоа значи ЦАРИНИ!!!“
Над 160 загинати во авионска несреќа во Јужна Кореја
Авион „боинг 737-800“ на „Џеј – џу ер“ се урна и се запали на аеродромската писта во Јужна Кореја, при што загинаа или исчезнаа повеќе од 170 луѓе.
На летот 2216 имало 175 патници и шест членови на екипажот од Бангкок кога се случила несреќата на меѓународниот аеродром Муан на југот на земјата, според официјални лица. Најмалку 167 лица загинаа, двајца се спасени, а од другите нема трага, велат тие.
Полска ќе и помогне на Украина ако Словачка ја сопре испораката на струја
Полска е подготвена да го зајакне извозот на електрична енергија кон Украина, доколку словачкиот премиер Роберт Фицо ја исполни својата закана дека ќе го прекине снабдувањето со електрична енергија во земјата разурната од војна, изјави во неделата висок функционер.
Полската влада е подготвена да го зголеми домашното производство на електрична енергија за да ги компензира сите нерамнотежи што би ги претрпел затегнатиот украински систем во случај на потег на Словачка, според функционерот, кој сакаше да остане анонимен, бидејќи разговорите се приватни.
.webp){kind=icon}
