Опозициските конзервативци предводени од Фридрих Мерц ги добија германските избори, а канцеларот Олаф Шолц и неговите социјалдемократи претрпеа најголем пораз по Втората светска војна.
„Победивме на овие избори“, рече Мерц пред радосната толпа во седиштето на ЦДУ во Берлин, велејќи дека коалициската влада мора да се формира што е можно поскоро. „Светот надвор нема да не чека – и нема да чека долготрајни коалициски дискусии“.
Во исто време, украинскиот претседател Володимир Зеленски најави дека би можел да се повлече за доброто на Украина. Тој рече дека е јасно дека „нема да биде на власт со децении“ зборувајќи на прес-конференција на еден ден пред руската инвазија на неговата земја да наврши три години.
Минималната плата во ќор-сокак – се крчка ли закон за субвенции на платите
Минималец од околу 24.500 денари според законот или 27.500 денари според барањето на синдикатот? Сè уште нема одговор на прашањето колку ќе изнесува минималната плата во земјава што треба да се исплаќа од март годинава.
Според Законот за минимална плата, при нејзината пресметка предвид се земаат два параметра, просечната плата исплатена на државно ниво за претходната година и годишната стапка на инфлација.
„Војна за цените“: Владата замрзна маржи, а трговци картелски се договарале
Владата, трговците, добавувачите, потрошувачите, експертите и сите останати засегнати страни продолжуваат жестоко ја бијат „битката за цените“ обидувајќи се да докажат кој е виновен за скапотијата по маркетите и како таа да се скроти. Последната вест пред викендот беше дека Комисијата за заштита на конкуренцијата повела прекршочна постапка за четири синџири на маркети поради наводно меѓусебно незаконско договарање на цени.
Членови на Комисијата извршиле ненајавен увид во трговските синџири и во една од стопанските комори во којашто се здружени истите. Во нивното соопштение е наведено дека увидот е направен поради сомневање дека неколку синџири на маркети кои вршат трговија на мало со прехранбени и непрехранбени производи го прекршиле Законот за заштита на конкуренцијата, кој забранува картели односно забранува договори и усогласено однесување на две или повеќе претпријатија, а се со цел нарушување на конкуренцијата.
Вештачката интелигенција е златна кокошка за производителите на електроопрема
Користењето и развојот на вештачката интелигенција е голем плус за инвеститорите. За наша набљудувана група беа издвоени компании од секторот за производство на електрична опрема кои се пионери во примената на вештачката интелигенција, односно имаат директни придобивки од примената на вештачката интелигенција (тие се главни добавувачи на инфраструктурата на центрите за податоци). Компаниите кои произведуваат електрична опрема веќе се во период на своевиден бум на побарувачката, поради зелената транзиција.
Како што е пишувавме во анализата „Зошто зелената транзиција бара толку многу трансформатори“, зелената транзиција бара сè повеќе производи за електрична опрема, особено трансформатори, што создаде нерамнотежа на побарувачката и понудата. Центрите за податоци за вештачка интелигенција брзо станаа генератори на приходи за производителите на електрична опрема, имајќи предвид дека се енергетски интензивни и сложени.
Велика Британија утре ќе објави нов сет санкции против Русија
Обединетото Кралство во понеделник ќе објави нови санкции против Русија, со цел намалување на приходите на Москва три години по инвазијата на Украина.
Мерките ќе бидат „најголемиот пакет“ против Русија од раните денови на војната, рече министерот за надворешни работи Дејвид Лами во изјавата.
„Ова е критичен момент во историјата на Украина, Британија и цела Европа“, рече Лами. „Затоа сега е време Европа да ја удвои нашата поддршка за Украина, во потрага по мир со сила“.
ЕУ бара начин да заплени дел од замрзнатите пари на Русија
Европската унија истражува поагресивни начини за запленување на замрзнатите средства на руската централна банка додека блокот се бори да обезбеди финансиска и воена поддршка за Украина поради индициите дека САД би можеле да ја прекинат помошта.
Официјални претставници на ЕУ разговараат за тоа како тие средства би можеле да се користат како гаранција од планираната Меѓународна комисија за побарувања, која ќе ја одреди компензацијата што ѝ се должи на Украина, според луѓе запознаени со разговорите. Имотот потоа може да биде запленет доколку Москва одбие да ја плати отштетата.
.webp){kind=icon}
Во моментов нема коментари за веста. Биди прв да коментира...