.webp){kind=icon}
Австрија, една од најжестоките противнички на нуклеарната енергија на европскиот континент, поднесе жалба против одлуката на Европската Унија (ЕУ) да ги прогласи нуклеарната енергија и природниот гас за чиста енергија.
Државата во петокот покрена тужба пред Европскиот суд за правда поради новото класифицирање на ЕУ, познато како таксономија. Ова го соопшти австриската министерка за енергетика Леонор Гевеслер. Класификацијата дава насоки на инвеститорите за утврдување кои вложувања може да се сметаат за еколошки прифатливи за да се поттикне енергетската транзиција.
Тоа претставува најнов знак дека веројатно ќе продолжат спротивставувањата околу приклучувањето на гасот и нуклеарната енергија во зелениот правилник на Унијата од почетокот на следната година, а таквата одлука ја оспоруваат и бројни еколошки организации.
Прочитај повеќе
Енергетската криза може да доведе до рекордна емисија на јаглероден диоксид
Зголеменото користење на фосилните горива ја покачи емисијата на „CO2“ за 1,7 отсто, или 133 милиони тони
05.10.2022
ЕУ размислува да ги врати во употреба дозволите за емисија на „CO2“
Ако се ослободат дозволите ќе се соберат 20 милијарди евра од емисија за јаглероден диоксид
04.10.2022
Решавањето на тој процес би можело да трае дури две години, велат од министерството. Луксембург вети дека ќе го поддржи предлогот, а австриската влада се надева дека и други држави членки ќе го поддржат нивното барање.
„Употребата на гасот и неклеарната енергија не го решаваат проблемот со климатските промени, туку го продлабочуваат“, рече министерката Гевеслер.
Критичарите, вклучително и научниците и експертите од Платформата за одржливо финансирање, тврдат дека вклучувањето на гасот не е во согласност со целта на блокот да стане климатски неутрален до средината на овој век. Залагачите, вклучително и државите од Централна и Источна Европа, рекоа дека ова гориво е клучно во текот на транзицијата за да се помогне во отфрлањето на јагленот од употреба.
Минатиот месец бројни невладини организации ја напуштија Платформата за одржливо финансирање во знак на револт поради тоа што наместо да се темели исклучиво на знаење, гледаат дека платформата на некој начин го политизира зелениот правилник на Унијата.
За разлика од Германија, каде што властите ветија затварање на нуклеарните електрани по несреќата во Фукушима во Јапонија, Австрија никогаш немаше функционално производство на атомска енергија и се потпира на децениски стари хидроелектрани за производство на најголемиот дел од потребната електрична енергија.
Австрија скоро ја доврши изградбата на нуклеарната електрана во 1970-тите години, но на последниот референдум го спречи нејзиното пуштање во функција.
Австриската тужба се темели на 16 аргументи, вклучувајќи го тврдењето дека нуклеарната енергија не е одржлива поради потребата за складирање на истрошеното гориво. Гасот, пак, како фосилно гориво, не може да биде еколошко по дефиниција.
„Немаше јавни консултации. Одлуката е донесена за да се задоволи големиот интерес на нуклеарната и гасната индустрија“, рече германската министерка Гевеслер.
