Работниците од јавниот сектор во Германија склучија договор за платите со работодавците со што ставија крај на конфронтирачката серија преговори кои беа придружени од штрајкови во најголемата европска економија.
Вработените ќе добиваат скалести еднократни исплати во вкупна вредност од 3.000 евра до февруари 2024 година. Потоа, платите ќе се зголемат за 200 евра на постојана основа, како и за уште 5,5 проценти во понатамошниот период.
Договорот опфаќа околу 2,5 милиони вработени во германскиот јавен сектор и доаѓа откако три рунди разговори не дадоа резултат. Арбитражната комисија тогаш предложи компромис, што е основа за договорот склучен викендов во Потсдам.
„Ние силно се боревме едни со други во четири рунди преговори и во арбитражниот процес“, рече германската министерка за внатрешни работи Ненси Фезер.
„Оваа порамнување на платите носи опипливо олеснување за вработените“, додава таа.
Платите во еврозоната станаа клучен фокус на централните банкари кои се загрижени дека силните зголемувања ќе го отежнат враќањето на инфлацијата до нивната цел од 2 проценти. Претседателката на Европската централна банка, Кристин Лагард ги повика компаниите и нивниот персонал да го споделат товарот на повисоките трошоци за енергија за да избегнат „повратен механизам од повисоките профитни маржи, плати и цени“.
Откако арбитражниот комитет го објави својот компромисен предлог, економистите рекоа дека тоа ќе биде силен исход за вработените. Аналитичарот на „ЏП Морган“ (JPMorgan), Грег Фузеси, исто така, истакна дека неговата структура „дозволува значително умереност во 2024 година“.
Договорот на Верди доаѓа откако синдикатот „ИГ Метал“ (IG Metall) минатата година веќе се избори платите на индустриските работници да се зголемат за 5,2 проценти во 2023 година и 3,3 проценти во 2024 година. Работниците во „Дојче Пост“ (Deutsche Post AG) во меѓувреме склучија договор според кој нивните плати ќе бидат зголемени за 11,5 проценти во просек за две години.
Силните барања за повисоки плати и поголемата подготвеност за штрајк се поттикнати од највисоката инфлација во последните децении, чии основни сили се покажуваат тврдоглави и покрај неодамнешниот пад на трошоците за енергија. Платите во Германија паднаа за повеќе од 3 проценти минатата година, покажуваат статистичките податоците прилагодени со зголемувањето на потрошувачките цени.
Работниците во меѓувреме се во силна преговарачка позиција бидејќи работодавачите имаат сè поголеми тешкотии во привлекувањето на персоналот. Пазарот на трудот е отпорен на последиците од војната во Украина, а главното влијание е приливот на бегалци од земјата кои полека се интегрираат во работната сила.
.webp){kind=icon}
