Функционерите од ЕЦБ поделени во пресрет на состанокот за каматите

Одлуката на Европската централна банка (ЕЦБ) носи неизвесност за инвеститорите, но дури и учесниците на состанокот не се сигурни за неговиот исход, според луѓе запознаени со ова прашање.

Одлуката за тоа дали неделава да се зададе нов удар врз инфлацијата со зголемување на каматните стапки или да се прогласи пауза поради слабеењето на економијата е толку нејасна што и функционерите што ќе одат на собирот в среда се во неизвесност, велат извори.

Тие ја опишуваат интелектуалната пресметка што ќе се одржи во Франкфурт во текот на следните два дена, каде што двете страни во расправата имаат подготвено муниција за дебатата, вклучувајќи и спротивставените сигнали во најновите економски податоци и новите проекции.

Економистите се речиси рамномерно поделени во однос на исходот. Пазарите во голема мера го одразуваат тоа расположение, со 45 отсто шанси за зголемување до 4 отсто.

Тоа е повеќе од 30 отсто забележани пред една недела, кога холандскиот гувернер Клас Нот за „Блумберг“ изјави дека инвеститорите „можеби“ ја потценуваат веројатноста за зголемување на трошоците за задолжување.

Ако ЕЦБ навистина направи пауза, тоа ќе биде првпат Управниот совет целосно да ја запре динамиката за зголемување од почетокот на циклусот на покачувања од јули минатата година.

Alex Kraus/Bloomberg

Податоците што ја поддржуваат паузата вклучуваат сè поголеми докази за забавување што ќе завладее низ економијата во регионот. Индустрискиот пад што ја зафати Германија, моторот на регионот, веројатно ја врати земјата во контракција во текот на тековниот квартал, според прогнозите.

Со оглед на таа опасност, веројатно ќе се бара пауза за повеќе докази за тоа дали забавувањето и затегнувањето ќе ја намалат инфлацијата доволно брзо. Исто така може да се укаже на веројатноста дека растот на основните потрошувачки цени, отстранувајќи ги нестабилните елементи како што е енергијата, веќе го достигнал својот врв.

„Јастребите“ ќе се спротивстават дека и главните и основните мерачи на инфлацијата сè уште се заглавени над 5 отсто, а трошоците за нафта и гас неодамна се зголемија, зголемувајќи го ризикот од дополнителен притисок. Неодамна се зголемија и очекувањата за потрошувачките цени.

Тие исто така би можеле да се надоврзат на аргументот изнесен од Изабел Шнабел, дека дел од економското забавување што моментално се одвива може да ги одразува долгорочните промени, а не цикличните сили, како што е намалената побарувачка.

Самите нови прогнози може да понудат нешто за двете страни. Потпретседателот Луис де Гвиндос минатиот месец рече дека проекциите би можеле да откријат слична перспектива за инфлацијата до јуни, иако изгледите за раст се влошија.

ЕЦБ ќе ја објави одлуката в четврток во Франкфурт, по што вообичено следува и прес-конференција.

Во моментов нема коментари за веста. Биди прв да коментира...

Остави коментар