Раст на градежништвото во ЕУ, Словенија лидер

Градежништвото во ЕУ во септември годинава забележа раст од 0,5 отсто споредено со претходниот месец, додека во рамки на еврозоната зголемувањето изнесува 0,4 проценти, соопшти денеска Евростат.

На годишно ниво во рамките на цела ЕУ градежниот сектор оствари раст од 0,1 отсто, а во Еврозоната пад од 0,3 проценти. Гледано по земји, најголем раст на месечно ниво во септември имал градежниот сектор во Словенија од 7,4 отсто, пред Полска од 3,6 и Словачка 2,3 проценти. Најголем пад е регистриран во градежништвото во Унгарија и Романија од по 1,9 отсто, пред Португалија од 1,2 и Австрија од 0,9 проценти.

Словенија бележи најголем раст во градежништвото и на годишно ниво од 32,1 отсто, пред Полска од 13,8 и Романија од 10,9 проценти. Најголем годишен пад е регистриран во градежниот сектор во Финска од 6,2 отсто, пред Шпанија од 6,1 и Унгарија од 6,0 проценти.

Во август 2023 градежништвото во ЕУ имаше месечен пад од 0,8 отсто, а во Еврозоната од 1,1 проценти.

 

 

Во моментов нема коментари за веста. Биди прв да коментира...

Остави коментар