.webp){kind=icon}
Новата официјална статистика од Обединетото Кралство нуди варијанта на познатата опсервација на Лав Толстој. Среќните семејства можеби се слични, но несреќните семејства во земјата имаат нешто заедничко: кризата на трошоците за живот.
Уделот на возрасните кои велат дека се донекаде или крајно незадоволни од нивната врска е највисок од 2014 година, но стапката на разводи е на најниско ниво во повеќе од 50 години. Ова го покажуваат податоците од анкетата на домаќинствата и одделните статистики за разводи објавени од Канцеларијата за национална статистика.
Тие трендови се совпаднаа со најлошиот напад на двоцифрена инфлација во последните децении, намалувајќи ги приходите на домаќинствата и зголемувајќи ги трошоците за сè, од сметки за енергија до намирници и кирии. Високите хипотекарни стапки наметнати од Банката на Англија за да го ограничат растот на цените ги зголемија трошоците за поседување и изнајмување домови. Всушност, тоа ги зголеми трошоците за раскинување на долгорочните партнерства.
„Некои луѓе го одложија разводот или разделбата додека економијата не биде подобра“, вели Џоана Њутн, партнер во адвокатска канцеларија. „Она што еден приход би можел да го покрие претходно – сметки, грижа за деца и други трошоци за живот – станува сè попроширен и сè понедостапен“.
Во Македонија најмалку разводи имало во време на карантините во 2020 година
Разводите во Англија и Велс се на најниско ниво од 1971 година, според одделни бројки објавени претходно оваа година. Бројот на разводи падна за 30 отсто на годишно ниво на 80.057 во 2022 година.
Bloomberg Mercury
За разлика од Обединетото кралство, во Македонија разводите растат. Според податоците на Заводот за статистика, лани бројот на разводи забележал раст од близу 10 отсто споредено со 2022 година.
Лани се развеле 1765 двојни. Најчесто се разведувале паровите на возраст од 35 до 39 годишна возраст.
Бројот на склучени бракови пак, се намалува. Лани судбоносното „да“ во изговориле 12.672 пара, што е за 1,6 отсто помалку од годината пред тоа.
Трендот на раст на разводите не забави и покрај тоа што земјава, исто како и Велика Британија се соочи со највисоката инфлација од времето на осамостојувањето на државата. И во Македонија, Народната банка ја затегна монетарната политика и за зголеми референтната камата на 6,30 отсто што предизвика раст на кредитните трошоци.
Статистичките податоци покажуваат дека бројот на разводи лани се вратил на нивото од 2010 година. Најмногу разводи во земјава имало пред десетина години, а Македонците најмалку се разведувале во време на карантините во пандемската 2020 година.
Во брак за пари
Во Велика Британија, статистиката покажува дека 30 отсто од 500 анкетирани луѓе од страна на адвокатската канцеларија од Лондон, останале во брак затоа што не можеле да си дозволат да живеат сами откако ќе си заминат.
Кризата на трошоците за живот е исто така една од причините зошто многу врски се распаднаа во последните години. Околу половина од испитаниците во анкетата рекле дека немале финансиски оптоварувања пред јануари 2022 година.
Повеќето рекле дека кризата со трошоците за живот влијаела на нивниот однос. Испитаниците ги навеле проблемите со зголемените сметки за комунални услуги и храна и загриженоста за неможноста да го одржат својот сегашен начин на живот, се вели исто така во извештајот.
Со други зборови, финансискиот притисок е вообичаен елемент во многу несреќни врски, што е пресврт на заклучокот на Толстој во Ана Каренина дека „сите среќни семејства се слични; секое несреќно семејство е несреќно на свој начин“.
Со помош на Irina Anghel
