Довербата на инвеститорите во германската економија веќе втор месец по ред расте, иако и натаму е на ниво што носи загриженост за статусот на растот на земјата.
Мерачот на очекувањата на институтот ЗЕВ (ZEW) се искачи на -11,4 во септември од -12,3 во август. Иако тоа е подобро отколку што предвидоа економистите во истражувањето на „Блумберг“, сепак е далеку под долгорочниот просек за индикаторот. Индексот на тековните услови се влоши на -79,4.
„Посветлите економски изгледи за Германија се во согласност со значително пооптимистичките изгледи за развојот на меѓународните берзи“, рече претседателот на ЗЕВ, Ахим Вамбах во изјавата во вторникот. „Ова, барем делумно, се припишува на зголемениот удел на испитаници кои очекуваат стабилни каматни стапки во еврозоната и во САД. Дополнително, експертите очекуваат дополнително олеснување на каматната политика на Кина“.
Германија, која повеќе се потпира на производството од другите напредни економии, се бори со падот на побарувачката на стоки од повторното отворање по пандемијата и енергетскиот шок предизвикан од руската инвазија на Украина. Производството стагнираше во вториот квартал по рецесијата од претходните шест месеци.
Европската комисија во понеделникот ја намали својата прогноза за раст на земјата, предвидувајќи дека таа ќе биде единствената голема економија во еврозоната што ќе претрпи контракција оваа година. Ваквите гледишта ја поттикнуваат загриженоста дека Германија се соочува со период на слаб бизнис во услови на предизвици, вклучувајќи високи цени на енергијата, проблеми со демографијата и преобликување на глобалната трговија.
На изгледите влијае и инфлацијата и најтешката кампања за затегнување на монетарната политика во историјата на Европската централна банка, која има за цел да ги врати цените под контрола. Официјалните лица се состануваат оваа недела за да одлучат дали да ги зголемат каматните стапки 10-ти пат по ред, во услови на инфлација во еврозоната од над пет отсто.
Комисијата сепак предвидува дека Германија ќе закрепне следната година, забележувајќи раст од 1,1 отсто. Еврокомесарот Паоло Џентилони предупреди на премногу песимизам, велејќи дека „ова е силна економија со алатки и способност за закрепнување“.
.webp){kind=icon}
Во моментов нема коментари за веста. Биди прв да коментира...