Цените на становите во Скопје во четвртиот квартал од 2023 година за зголемиле за седум проценти во однос на истиот период претходната година, покажува индексот на цените на становите што го изготвува Народната банка. Станува збор за значително забавување на растот на цените кој во изминативе години континуирано беше над двоцифрената граница на квартално ниво.
Индексот на цените на становите е изготвен од страна на НБРСМ за територијата на Скопје. Индексот е изготвен врз основа на податоци кои се однесуваат на огласите за продажба објавени од агенциите коишто се занимаваат со промет со недвижности.
Прочитај повеќе
Прогнозираме: Како ќе се движат цените на становите в година
Нема услови за раст на цените в година, но нема ни за намалување.
13.12.2023
Можноста да купат стан ги стави Македонците на лоша позиција во ЕУ
Домашните компании што градат станови лани за градежни материјали потрошиле над 180 милиони евра.
08.11.2023
Цени од 2.500 евра за квадратен метар во Скопје не се реални
Во Македонија локацијата односно нејзината атрактивност е она што влијае најмногу на цената на становите.
19.10.2023
ББА-анализа: Градежништвото в година ќе се фокусира на нискоградбата
Интересот за станови ќе се намалува, фокусот ќе биде на патиштата и другите големи проекти.
16.10.2023
Има ли ќар од купувањето стан за да се издава под кирија?
Атрактивни локации за градба во Скопје има сè помалку - тоа е една од причините зошто цените на недвижностите не паѓаат.
29.09.2023
Не се очекува раст на цените годинава
„Блумберг Адрија“ веќе пишуваше дека за 2024 година градежниците не очекуваат големи промени на пазарот со недвижности. Според Ивица Јакимовски од Градежната комора при Сојузот на стопански комори, цените годинава нема да растат.
„Само во тоа сум сигурен, дека нема простор за раст на цените на становите. Дали има простор за намалување, во овој момент не сум сигурен. Имаме стабилни цени на градежни материјали, значи од таа страна немаме проблем. Но, имаме проблем на страната на работната сила. Недостигот на работници создава притисок за раст на платите, што може да биде вистински товар во наредниот период“, вели тој.
Според Јакимовски, минатата година и покрај високите цени и високите трошоци за задолжување, продажбите останале на нивото од претходната година. Таков тренд се очекува и годинава, од едноставна причина што понудата и побарувачката во земјава се на исто ниво.
Фокус на нискоградбата
Ниту Народната банка не прогнозира „брза и силна надолна корекција“ на цените во наредниот период.
„Движењата на пазарот на недвижности засега не упатуваат на постоење на опасност од евентуално поостро свртување на циклусот и брза и силна надолна корекција на цените, што може да влијае врз ликвидноста на пазарот и, следствено, врз ликвидноста на заложените недвижности кај банките. Сепак, потребна е внимателност, особено ако се земат предвид амбиентот, кој сè уште е неизвесен, и растот на трошоците за финансирање, што може да ја ограничи пристапноста до банкарски кредити, а преку нив и финансираната побарувачка за станови“, соопшти неодамна централната банка.
Аналитичкиот тим на „Блумберг Адрија“ во последната анализа на градежниот сектор најави дека во регионот во годинава ќе има надолна корекција на цените, што ќе биде последица на затегнатите монетарни политики, односно повисоките каматни стапки.
Исто како домашните градежници, и нашите аналитичари предвидуваат дека во следниот период градежниот сектор во регионот Адрија ќе се соочува со недостиг од работна сила и со притисок за раст на платите. Тоа особено важи за нискоградбата, затоа што во сите земји се најавени нови капитални проекти, кои ќе бараат повеќе работници. Дел од потребата за работници ќе се компензира со преземање од високоградбата, затоа што се намалува потребата за изградба на станови, а дел преку увоз на работна сила.
Во анализата уште се наведува и дека градежната индустрија годинава повеќе ќе се потпира на нискоградбата, затоа што тие објекти се помалку погодени од нестабилноста на каматните стапки бидејќи проектите главно се владини или се финансирани од фондовите на Европската Унија.
.webp){kind=icon}
