Ново рекордно ниво на стапката на инфлација во земјава. Во август таа се искачи на 16,8 отсто споредено со истиот месец лани. Според податоците на Државниот завод за статистика, во однос на претходниот месец, трошоците на живот пораснале за 1,3 отсто.
Прочитај повеќе
Прометот во трговијата се намали за 4,5 отсто
Податоците на ДЗС покажуваат дека за период од една година прометот на мало со храна, пијалоци и тутун е намален за 11,8 проценти
31.08.2022
Нов рекорд на инфлацијата во еврозоната, ЕЦБ пред сериозен тест
Инфлацијата во еврозоната се искачи на ново највисоко ниво во историјата, зајакнувајќи ја можноста ЕЦБ да размисли за „џамбо“ зголемување на каматните стапки.
31.08.2022
Само БиХ има повисока инфлација од Македонија во регионот Адрија
Инфлацијата во Босна и Херцеговина достигна нов рекорд - 16,7 отсто
30.08.2022
Снемуваме решенија за инфлацијата: Анализа
Сите анализи покажуваат дека, условен од глобалните случувања, растот на стапките на инфлација нема да запре.
26.08.2022
Двигател на растот на инфлацијата во август била храната. Цените на основните прехранбени производи на месечно ниво пораснале за 2,8 отсто, на услугите во рестораните за 7,4 отсто, додека пак кај транспортот е забалежан месечен пад од 5,2 отсто. Но, споредено со истиот период лани, сите трошоци се зголемени со двоцифрена стапка, а најголем раст исто така има храната.
Од прехранбените производи и на месечно и на годишно ниво, цената на лебот расте најбрзо, а цената на маслото која врвот го достигна пред неколку месеци, сега се намалува.
Кај трошоците за домување, во август споредено со јули, раст има само кај топлинската енергија за 14,2 отсто, кај горивата има намалување за 10,3 отсто. На годишно ниво, течните горива имаат највисока стапка на раст од 45 отсто.
Засега во земјава нема значајни мерки за ублажување на последиците од високата инфлација. Владата во неколку наврати најавува дека ќе има таргетирани мерки за најранливите категории граѓани, но се уште не се знае кога тие ќе стапат на сила.
Од почетокот на кризата, Владата преземаше мерки за сузбивање на највисоката инфлација во земјава после периодот на осоамостојувањето. Најпрво беа замрзнати цените на основните прехранбени производи, потоа беше намален ДДВ за храната од пет на нула отсто, а за горивата од 18 на 10 отсто. Во моментов ограничени се трговските маржи за основните прехранбени производи.
НБРМ од април досега четири пати ја зголемуваше каматната стапка на референтната камата како мерка за зауздување на високата инфлација.
Земјава спаѓа во групата земји со највисока стапка на инфлација во Европа.Повисоки стапки на инфлација од земјава имаат балтичките земји, а во еврозоната инфлацијата во август изнесуваше 9,1 отсто.
Bloomberg
.webp){kind=icon}
Во моментов нема коментари за веста. Биди прв да коментира...