.webp){kind=icon}
Американската министерка за финансии Џенет Јелен откри дека му рекла на својот кинески колега оти големата финансиска поддршка на Пекинг за одредени индустрии може да претставува закана за други земји, во услови кога меѓу двете најголеми светски економии тлеат трговски тензии.
Говорејќи на прес-конференција во Сан Франциско во понеделникот, по еден ден состаноци на министрите за финансии од Пацификот, Јелен рече дека со својот кинески колега Хе Лифенг разговарала околу прашањата за „прекумерното снабдување“.
„Разговаравме за проблемите со прекумерната понуда што се појавија и може да се појават во иднина во индустриите во кои Кина многу инвестира“, рече Јелен. „Го гледам тоа како ризик“ и мислам дека Кинезите ја разбираат нашата загриженост дека некои од овие инвестиции може да доведат до надминување на капацитетите, рече таа.
Прочитај повеќе
Паѓа производствто во Кина, се бара поголема државна поддршка
Официјалниот индекс на менаџерите за набавки во производството падна на 49,5 овој месец
31.10.2023
Како Кина употребува дрога за да војува со САД
Во Сан Франциско и низ Америка беснее епидемија на фентанил.
30.10.2023
Македонија преплавена од кинески производи, инвестициите се реткост
Кина не е на листата на десетте најголеми странски инвеститори во Македонија.
05.10.2023
ЕУ официјално отвори истрага против субвенционираните електрични возила од Кина
Европската Унија и официјално започна истрага против субвенциите за електрични возила произведени во Кина.
04.10.2023
Јелен додаде дека за забавувањето на растот на Кина разговарала со министрите на АПЕК, кои се согласиле дека тоа претставува „ризик за негативен пад во економијата“, особено за земјите од АПЕК (Азиско-пацифичка економска соработка) со силни трговски врски со Пекинг.
Кина и САД се посветени на создавање „рамноправно поле за игра“ за компаниите и работниците во нивните земји, според изјавите што двете страни ги објавија по состанокот на почетокот на конференцијата.
Шефовите за финансии одржаа разговори во Калифорнија пред собирот на лидерите од нивните држави подоцна неделава. Самитот на АПЕК ќе даде можност и за долгоочекуваната средба меѓу американскиот претседател Џо Бајден и кинескиот претседател Шји Џјинпинг.
Јелен, која им беше домаќинка на своите колеги во калифорнискиот град, рече дека состанокот на министрите за финансии ѝ овозможил на групата „да го консолидира напредокот во клучните приоритети: од следење на макроекономските и финансиските случувања во регионот и на глобално ниво до унапредување на пристапот за регулирање на дигиталните средства, одржливите финансии и инклузивните политики ориентирани кон раст“.
Прекумерниот капацитет на Кина во некои сектори е проблем со години, а Европската Унија, Јапонија, САД и други земји работат заедно за да се обидат да го намалат влијанието во секторите како што е челикот. ЕУ неодамна отвори истрага за кинеските субвенции за електрични возила откако кинескиот извоз се зголеми.
