.webp){kind=icon}
Во Синтра (Португалија), како и секоја година, се одржа форумот на Европската централна банка (ЕЦБ) посветен на централното банкарство, каде што на панелот за монетарната политика разговараа претседателот на Федералните резерви (Фед), Џером Пауел, претседателката на ЕЦБ, Кристин Лагард, и шефот на бразилската централна банка Роберто Кампос Нето.
Ова се клучните пораки:
Пауел укажа на урамнотежена, но не особено оптимистичка перспектива за монетарната политика на САД, иако тој постојано го нагласува напредокот на централната банка во намалувањето на инфлацијата.
„Последните податоци сугерираат дека се враќаме на дезинфлациска патека“, рече тој. Сепак, тој вели дека Фед сè уште сака да добие повеќе докази/податоци како оние што беа видени неодамна, за да започне со намалување на каматните стапки.
Bloomberg Mercury
Иако одби конкретно да укаже на намалување на каматните стапки во септември, тој рече дека ризиците меѓу инфлацијата и пазарот на трудот се подобро избалансирани. Сепак, Фед може да биде трпелив засега.
„Сведоци сме на постепено заладување на економијата, постепено заладување на пазарот на трудот, напредок на инфлацијата, четири отсто невработеност, два отсто раст. Го добиваме она што го сакаме“, рече Пауел.
Од Кристин Лагард нема такви вести, но даден е добар преглед на темите поради кои функционерите во Европа имаат непроспиени ноќи: треба внимателно да се следи инфлацијата поврзана со услугите, за да се осигури дека ЕЦБ не ги намалува каматните стапки побрзо отколку што е потребно, а исто така има и геополитички ризици што им се закануваат на економиите во источниот дел на блокот. Потоа, се споменува протекционизмот, кој може да ги поткопа иновациите, а со тоа и растот.
Bloomberg Mercury
Исто така интересно е тоа што Лагард не сакаше да ги коментира идната насока на монетарната политика на ЕЦБ (сите централни банкари ветија дека насоката ќе зависи од податоците) и политичката ситуација во нејзината родна Франција, каде што во тек се избори.
Кампос Нето повторно избегна каква било политичка конфронтација со претседателот на земјата Луис Инасио Лула да Силва. Сепак, тој успеа да каже дека фискалната политика е главниот ризик, а тоа се одразува во неодамнешната нестабилност на пазарот. Што се однесува на неговата задача да ја скроти инфлацијата, тој изрази уверување дека ценовните притисоци ќе бидат помали од очекуваното.
