.webp){kind=icon}
Најголемите производители на литиум во Кина забележаа рекордни профити, како резултат на растот на цената на суровината, која што се приближува кон рекордно ниво заради намалената понуда.
Според податоците од објавениот финансиски извештај на Tianqi Lithium Corp., нето добивката на компанијата на меѓународно ниво скокна за скоро 12.000 проценти во првите шест месеци годинава, достигнувајќи 1,5 милијарди долари. Компанијата Ganfeng Lithium Co., пак, во истиот тој период забележа раст на нето добивката за повеќе од 400 проценти, па профитот на компанијата изнесува 1,05 милијарди долари.
Цените на литиум карбонат во Кина пораснаа за скоро 80 отсто од почетокот на годинава. Проблемите со снабдувањето со електрична енергија во провинцијата Сичуан дополнително го поттикнаа поскапувањето, бидејќи во индустриската зона во таа провинција се произведува околу една петтина од кинескиот литиум, а таму дури две недели имаше рестрикции во снабдувањето со струја. Таквата состојба доведе до намалување на понудата на пазарот, каде веќе има недостиг, а следствено на тоа и до раст на цената.
Прочитај повеќе
Забавува економијата во Кина, намалени прогнозите за раст во 2023
Економисти на Блумберг ги намалија очекувањата и прогнозираат раст на кинеската економија од само 3,5 отсто годинава
29.08.2022
Сите мегапроекти на Кина од планот вреден трилион долари
Втората по големина економија во светот со многу инспирација работи на проекти за иднината.
27.08.2022
Покрај Кина, 'ајфон 14' ќе се произведува и во Индија
„Епл“, кој долго време ги произведуваше повеќето од своите „ајфони“ во Кина, бара алтернативи.
23.08.2022
Во меѓувреме, побарувачката за литиум се зголемува бидејќи произведувачите на моторни возила се преориентираат кон производство на модели на електричен погон. Продажбата на електрични моторни возила до крајот на годинава во Кина може да порасне и до 89 проценти поради лансирањето на новите модели, но и поради субвенциите што се воведоа по пандемијата, покажуваат податоците на Блумберг Интелиџенс.(Bloomberg Intelligence).
„Глобалната побарувачка за електрични возила, рекордно високите температури и сушата на југозападот од Кина се главни причини за растот на цената на литиумот на пазарот“, велат од комапнијата Benchmark Mineral Intelligence. „На долг рок, понудата веројатно ќе остане проблематична до крајот на оваа деценија но, делумно ќе се избалансира до 2026 година“, предвидуваат од таа компанија.
Цената на акциите на Tianqi Lithium порасна за 3 отсто од почетокот на годинава, додека цената на акциите на компанијата Ganfeng Lithium падна за околу 17 проценти.
