Русија сака да ги зголеми девизните резерви во кинески јуан

Русија подготвува план да купи околу 70 милијарди кинески јуани и други „пријателски“ валути годинава за да го забави падот на руската рубља, пред да се фокусира кон долгорочна стратегија за продажба на својот удел во кинеската валута.

Предлогот е дел од низата мерки, кои претставуваат ефективно спротивставување на децениската економска политика, додека Кремељ ја реорганизира својата стратегија поради санкциите од САД и нвните сојузници, воведени поради инвазијата на Владимир Путин врз Украина.

Bloomberg Mercury

Таквиот пристап значеше креирање на една поинаква економска стратегија кон Русија, преку замрзнување на околу половина од вкупните државни резерви што ги има во долари, а кои изнесуваат 640 милијарди долари. На тој начин Кремљ беше оставен без пристап до парите што со години ги штеделе за „црни денови“. Затоа, се нагласува потребата да се диверзифицираат уделите во долари и евра за да може да се намали ризикот од заплена.

„Во новонастанатата ситуација, акумулирањето на ликвидни девизни резерви за идни кризи е екстремно тешко и не е погодно“, се истакнува во презентацијата на предлогот. Кремљ со години ја ограничуваше потрошувачката и заштеди стотици милијарди долари, евра и други странски валути, кои служат како тампон зона за изолација и заштита на економијата од надворешни влијанија, како флуктуации на цената на нафтата.

Но, дури и купувањето на валутите на "пријателските" земји е проблематично, пишува во претставениот план, бидејќи продажбата на јуани "бара посебен договор со Кина, што ќе биде многу тешко да се изведе во услови на криза". Други валути како дирхамот на Обединетите Арапски Емирати (ОАЕ) се предмет на "високи политички ризици", бидејќи тие влади би можеле да ги сменат своите политики, додека, на пример, турската лира се соочува со големи ризици од девалвација, се вели во документот.

Но, на краток рок, со заработката од извозот на нафта и гас и стимулирањето на вредноста на рубљата, предлогот повикува на трошење на 4,4 трилиони рубљи (70 милијарди американски долари) за купување на валутите на "пријателските" земји, претежно јуан.

Во извештајот се нотира дека банките се преплавени со "меки" валути во моментов бидејќи напорите за префрлање на трговијата од долари и евра досега постигнаа скромен напредок и руските трговски партнери не се ентузијасти за плаќање во сопствената валута.

Официјалните претставници првично во јуни ја претставја идејата за купување на "пријателски" валути за да го поттикнат растот на рубљата. Тогаш, министерот за економија Максим Решетников ја критикуваше идејата, велејќи дека тоа нема да биде доволно, туку предлагаше владата да ги намали трошоците. 

И пред војната Русија ги зголеми инвестициите во кинескиот јуан како дел од планот за диверзификација, но срамежливо. Сепак, со таквите потези Русија стана држава која поседува најголеми девизни резерви во кинеска валута во светот. Но, иако тие средства не се замрзнати со американските и европските санкции, пристапот на Русија до нив е сé уште ограничен.

Според планот, резервите во јуани може да достигнат до 180 милијарди долари. Документот од планот не објаснува детално како ќе се спроведе продажбата за рубљите, туку истакнува само дека тоа ќе помогне да се надомести инфлациското влијание.

Во моментов нема коментари за веста. Биди прв да коментира...

Остави коментар