Фабриките во Европа со забавена активност, азиските земаат замав

Сите параметри за фабричкото производство во Европа и Азија се намалени поради се поинтензивните последици од војната во Украина и економското забавување во Кина. 

Индексот, кој што ја покажува состојбата во фабриките и очекувањата за идните текови на работа, во август во еврозоната се намали на 49,6 поени, од претходните 49,8 во јули. Според анализата на S&P Global, тоа е одраз на се' помалата побарувачка додека потрошувачите се соочуваат со растечки трошоци за енергија и голем раст на цените на стоките и услугите. 

Германија и Италија се соочуваат со најлоши економски податоци во последните 26 месеци. За неповолните бројки придонесува глобалното опкружување, со тоа што најголемите светски економии се движат во различни правци, а поголемиот број централни банки ги зголемуваат каматните стапки во борбата со инфлацијата.  

За еврозоната секојдневно се зголемуваат шансите за соочување со рецесија, бидејќи Русија ги ограничува испораките на енергија, што придонесува за раст на цената на природниот гас и на електричната енергија. 

И покрај мрачните изгледи, се очекува дека Европската централна банка (ЕЦБ) ќе продолжи да ги зголемува каматните стапки за да ја скроти најжешката инфација откако е создадена заедничката валута. 

„Во Азија компаниите во Јужна Кореја, предводници на глобалната трговија, често ја искажуваат загриженоста дека стопанството ќе продолжи да работи лошо поради слабата побарувачка и предизвиците од глобалните економски услови“, изјави Усама Бати, економист на S&P Global Market Intelligence.

Испораките од корејските производители и преработувачи минатиот месец паднаа за прв пат во повеќе од две години за 7,8 отсто на годишно ниво. Тоа го покажуваат официјалните податоци објавени денеска. Чиповите сочинуваат околу 20 отсто од извозот на Јужна Кореја според вредноста но, падот е компензиран со другите производи, па вкупно е остварен раст од 6,6 отсто.

„Меѓу производителите се зголемува загриженоста дека економијата ќе забавува уште повеќе, а компанииите, исто така, се соочуваат со долготрајно влијание од инфлацијата и војната во Украина. Сето тоа го доведе расположението меѓу производителите на најниско ниво од минатиот октомври“, изјави Бати. 

И други податоци укажуваат на слабеење на кинеската економија. Производствената активност се намали во август, покажуваат истражувањата во приватниот сектор, што сугерира дека последиците од недостигот на струја и епидемијата од Ковид ги погодуваат најмногу помалите компании, иако ниту големите и државните фирми не се имуни.

Во моментов нема коментари за веста. Биди прв да коментира...

Остави коментар