Некогаш завидната предност на пазарот на криптовалути во 2023 година во однос на акциите се распаѓа, бидејќи биткоинот се повлекува под 30.000 долари.
Растот од почетокот на годината во индексот на стоте највредни дигитални монети се олади на 46 отсто, што не е далеку од скокот од 41 отсто на индексот на технолошки акции Nasdaq 100. Еуфоријата поради производите со вештачка интелигенција (ВИ) го придвижи индексот, кој накратко го надмина МВИС (MVIS CryptoCompare Digital Assets 100 Index) во јуни.
Дигиталните средства претходно беа зајакнати поради победата на малопродажните инвеститори над американските регулатори во случајот со криптовалутата XRP и оптимизмот дека земјата може да добие спот биткоин-фондови со кои се тргува на берзите (анг. exchange-traded funds - ETF). Тие двигатели ослабеа и инвеститорите сега проценуваат како може очекуваното зголемување на каматните стапки од страна на Федералните резерви (ФЕД) да влијае на пазарите оваа недела.
Прочитај повеќе
Дали Европа конечно ќе го добие својот прв биткоин ЕТФ
Во основа, ЕТФ е фонд со кој се тргува на берза, а кој следи различни видови средства, од акции и валути до стоки, или во овој случај криптовалути.
20.07.2023
Данокот од криптозаработките енигма во Македонија
И покрај обидите, не успеавме да добиеме податоци кој платил данок на заработка од криптовалути во земјава.
20.07.2023
Треска во криптосекторот го лансира биткоинот блиску до едногодишен максимум
Биткоинот се движи околу својот едногодишен максимум додека менаџерот на средства „Фиделити“, наводно, ја подготвува својата пријава за фонд со кој се тргува на берза.
28.06.2023
„Растот го загуби импулсот по првичната возбуда предизвикана од вестите на ЕТФ и нема други видливи катализатори на хоризонтот“, рече Керолин Маурон, коосновачка на „Орбит маркетс“ (OrBit Markets), која се занимава со одржување на ликвидноста за дериватите на дигитални средства. Надолниот ризик треба „да биде ограничен бидејќи ФЕД се приближува кон крајот на својот тековен циклус на зголемување на стапките, што треба да обезбеди поддршка за ризичните средства, вклучувајќи и за криптовалутите“.
Некои шеми на графикони укажуваат на претпазливост - 20-неделните Болинџерови (анг. Bollinger) гранични линии за биткоинот се намалија на најтесен опсег во последните седум години. Тоа дава индикации дека движењата на највредните дигитални средства би можеле да станат поинтензивни, потенцијално надолу, доколку клучните прагови попуштат. Студијата на Болинџер е еден од начините за анализа на нестабилноста.
Падот на биткоинот треба „да се прошири кон 26.000/25.000 долари пред да пронајде поддршка“, напиша во белешка Тони Сајкамор, пазарен аналитичар во ИГ (IG Australia Pty).
Токенот падна за 3,3 отсто во понеделникот и беше стабилен на околу 29.100 долари, заклучно со 6.35 часот наутро во Лондон во вторникот. Помалите монети, како ХРП (XRP) и доџкоин (Dogecoin), се тргуваат мешано.
Растот на ворлдкоин (Wordlcoin), токенот на криптопроектот чиј коосновач е извршниот директор на „Опен еј-ај“ (OpenAI), Сем Алтман, беше намален по неговата првична јавна понуда во понеделникот.
Ворлдкоин скокна дури 3,58 долари од почетната цена од 1,70 долар, но се врати на околу 2 долара, покажаа податоците на „Коин маркет кап“ (CoinMarketCap). Во претходните 24 часа беа разменети дигитални средства во вредност од околу 625 милиони долари.
.webp){kind=icon}
