text size
На купувачите во Велика Британија кои сакаат да ги избегнат високите сметки на касите во маркетите веќе им снемува избор откако над половина од производите во супермаркетите поскапеа од минатата година досега.
Околу 22.000 производи кои се нудат во објектите на четирите најголеми британски трговци имаат повисоки цени споредено со лани, покажуваат податоците на компанијата за истражување на малопродажбата Assosia.
Bloomberg
Прогнозите за Велика Британија се дека инфлацијата ќе стане двоцифрена подоцна годинава, а заради платите кои не го следат нејзниот раст, изгледите стануваат неповолни.
Националниот завод за статистика на Велика Британија неделава објави дека приходите на домаќинствата во земјата имаат најдолг тренд на намалување од почетокот на водењето на ваквата евиденција во 1955 година.
Највисоката инфлација во последните 40 години ги притиска и трговците кои се соочуваат со пад на продажбата и потрошувачите.
Инфлацијата во Македонија е двоцифрена од април. Тогаш Државната статистика измери 10.5 отсто, а во мај таа стигна до 11,9 отсто. Вистинскиот зголемување се очекува веќе се месец јуни кога престанаа да важат владините антикризни мерки, а цените вивнаа.
Освен горивата, најголем раст на цените и покрај мерките на владата со кои беше укинат ДДВ за основните производи, има кај храната. За една година, сите прехранбени производи имаат двоцифрен раст на цените, а маслото за јадење урива рекорди.
Според прогнозата на НБРМ, инфлацијата во земјава врвот ќе достигне токму во овој, трет, квартал, а кон крајот на годината ќе почне да се намалува, и 2022 ќе заврши со стапка од 8,8 отсто.
Бртинаците пак, најлошото ги чека во октовмри, с енаведува во анализата на Bloomberg economics.
„Очекуваме инфлацијата да се засили во месеците што следат, бидејќи порастот на цените на храната и горивата ќе ја подигне годишната стапка. Врвот најверојатно ќе дојде до октомври, кога Ofgem, енергетскиот регулатор на Обединетото Кралство, повторно ќе ја зголеми ценовната граница на сметките за енергија“, стои во извештајот.
.webp){kind=icon}
