Цените на природниот гас во Европа растат како што доаѓа бранот на ладно време, што би требало да ја поттикне побарувачката и да ја тестира подготвеноста на регионот за зима со ограничени резерви.
„Референтните термински цени пораснаа дури за 5,2 отсто, на највисоко ниво од 13 октомври. Температурите низ Европа веројатно ќе паднат овој месец, по релативно топлиот ноември, а условите може да бидат пониски од просекот“, сметаат од „Максар технолоџис“ (Maxar Technologies Inc) и „Марекс“ (Marex).
Острата зима може да направи за континентот уште една изложеност на дополнителни ограничувања на испораките, откако Русија во текот на летото ги прекина тековите низ повеќето гасоводи. Течниот природен гас помага за да се дополни недостигот и да се наполнат резервите, но резервите почнуваат да се намалуваат. Цените на гасот се поголеми за четири пати од вообичаеното за овој период од годината, што ја поттикнува инфлацијата и ѝ штети на економијата.
Европа се обидува да ја забрза изградбата на инфраструктура за примање повеќе гас, а очекува дека Германија ќе ги има подготвено своите први увозни терминали веќе овој месец. Но ако ладното време ја погоди и Азија, побарувачката во регионот би можела да порасне и да ја зголеми конкуренцијата, што потенцијално ќе ги зголеми и цените.
Засега кинескиот апетит за овој енергент е ограничен поради благата економска ситуација. Таму увозот на природен гас до октомври опадна за 22 процента.
Холандските термински договори, како мерило за Европа, утрово пораснаа за 4,5 проценти, на 153 евра за мегават-час.
.webp){kind=icon}
