.webp){kind=icon}
Гасот на европскиот пазар тргна кон најдолгата низа неделни поскапувања годинава иако трговците внимаваат на евентуалната можност Русија да го олабави дотокот на гас кон Европа.
Постои можност за попуштање затоа што се очекува Канада да ја врати во Германија турбината за гасоводот Северен тек која остана таму по воведувањето санкции за Русија Според Кремљ, опремата ќе помогне да се зголемат испораките кон Европа, а тоа ќе влијае на намалување на цената .
Се уште не е јасно дали тој дел од опремата ќе овозможи Гаспром да управува со гасоводот со полн капацитет. Потребни се уште шест големи турбини, не се сите компоненти, кои се уште се во Руссија, во исправна состојба и потребно им е одржување, велат од компанијата.
Доставата на делот од страна на Канада би можела да биде преседан, вели Nick Campbell, директор на консултантската куќа Inspired Plc. Иако едната турбина не го дигне дотокот преку Северен поток на 100 отсто „руската реторика сугерира дека ќе бидат подигнати сегашните нивоа“. Тоа исто така ја отвора можноста Русија да ги зголеми пратките преку други рути“, вели тој.
Намаленото снабдување ја поттикна една од најголемите кризи во Европа во последните децении затоа што сметките пораснаа, а некогаш здравите енергетски компании се трудат да останат на површина. Долготраен прекин на дотокот од Русија, историски најголемиот снабдувач на континентот, би ги загрозил плановите за полнење на складиштата за претстојната зима, кога побарувачката вообичаено е најголема.
Тоа ги држи цените повисоки четири седмици со ред. Севрен поток, најголемата врска со Европската унија, треба да биде затворен в понеделник заради сезонско одржување, а постои и загриженост дека гасоводот ќе биде вратен во функција по завршувањето на работите.
Креаторите на европските политики исто така внимателно ќе го следат состанокот на рускиот претседател Владимир Путин со владини претставници за енергетски прашања закажан за денеска. Првиот човек на Гаспром ќе биде меѓу говорниците, но прес службата на Кремљ не наведува други детали за дневниот ред.
Гасоводот Северен поток работи со 40 отсто од својот капацитет откако Русија ги намали испораките минатиот месец. Како причина беа наведени технички проблеми со турбините кои треба да се сервисираат во Канада, а една од нив и остана таму по воведувањето санкции кон Москва.
„Зголемената нервоза заради одржувањето на Северен тек сугерира дека е малку веројатно дека краткорочно ќе здивнеме од стравот од цените“, велат аналитичарите на Alfa energy Ltd.
Германија која го обвини Путин дека извозот на енергија го користи како оружје, побара од Канада да ја ослободи турбината за Москва да нема изговор за намалување на испораките. Киев пак, ја повика Отава да ја задржи турбината, тврдејќи дека Русија може да ги зголеми испораките преку Украина, но ја одбива таа опција.
„Ако турбината се врати од одржување, да, тоа ќе го зголеми дотокот“, изјави портпаролот на Кремљ, Дмитри Песков. „ Се поставува само едно прашање: зошто тоа не го направија веднаш“.
Ограниченото снабдување со LNG заради продолжениот застој во извозен капацитет во САД, топлото време во Европа заедно со малото производство нуклеарна енергија во Франција – заради што потребата за гас во енергетскиот сектор останува висока, дополнително ја влошуваат ситуацијата, вели Andy Sommer, аналитичар од Axpo Solutions AG.
