Нафтата порасна по најдолгата неделна серија на пад на цената во последните пет години. Растот го поттикнаа знаците дека понудата почнува да „трча“ пред побарувачката, односно се зголемува значително повеќе.
Глобалниот репер, нафтата од типот брент се тргуваше над 76 долари за барел откако бележеше пад дури седум недели по ред, додека ВТИ (вест тексас интермедиејт) беше близу 72 долара. На цената влијаеше и податокот за работните места во САД од крајот на минатата недела, кој покажа дека има подобри резултати од очекуваните, но и плановите за повторно полнење на стратегиските нафтени резерви, со што се помогна суровата нафта да ја прекине шестдневната серија на загуби во петокот. Во меѓувреме има знаци на значително зголемена побарувачка, особено што почна сезоната за празнични патувања, а годинава се очекува да биде најпрометна од 2000 година наваму.
Bloomberg Mercury
Нафтата падна за една петтина од крајот на септември, а дури ни дополнителните намалувања на производството од ОПЕК+ ни изјавите на Саудиска Арабија и на Русија дека ограничувањата би можеле да бидат продолжени и по март не успеаја да го спречат падот. Производството надвор од Алијансата, особено од САД, се зголемува, растот на кинеската побарувачка треба да забави следната година и има шанси за рецесија во САД.
Прочитај повеќе
Нафтата близу петмесечен минимум поради стравувањата од прекумерна понуда
Нафтата задржа голем дел од петдневната серија на загуби, што ги доведе цените на најниско ниво од јуни.
07.12.2023
Нафтата стабилна по тридневниот пад, Ријад ги брани резовите на ОПЕК+
Саудиска Арабија соопшти дека неодамнешните кратења од ОПЕК+ ќе бидат целосно почитувани и може да бидат продолжени.
05.12.2023
Саудијците ја намалуваат цената на нафтата кон Азија поради конкуренцијата
Намалувањето на цената е со цел „Арамко“ да му се спротивстави на приливот на поевтини американски и европски барели.
29.11.2023
Цената на нафтата паѓа во пресрет на состанокот на ОПЕК+
Брент нафтата за испорака во јануари падна на 81,45, а ВТИ на 76,95 долари за барел
21.11.2023
Речиси целата руска нафта е продадена над границата на цената
Оваа поставена ценовна граница треба да им забрани на фирмите во земјите на Г7
16.11.2023
„Добивките сè уште се донекаде ограничени ако зборуваме за неделава, а тоа е поради загриженоста за кинеската побарувачка“, рече Јеап Јун Ронг, пазарен стратег за ИГ Азија (IG Asia Pte.) „Сегашното ниво на цените може да поттикне одредено дополнување на американските стратегиски нафтени резерви, но дали тоа го означува „вистинскиот“ под за цените на нафтата останува да се види.
Неделава месечните извештаи од Меѓународната агенција за енергија, Организацијата на земји извознички на нафта и Министерството за енергетика на САД може да дадат одредена јасност за основите на понудата и побарувачката. Инвеститорите исто така ќе ја следат конечната одлука за стапката на Федералните резерви.
Потрошувачите, вклучувајќи ги авиокомпаниите и комуналните претпријатија, го искористија неодамнешното поевтинување за да набават поголеми количества поевтина нафта. Мноштвото распони со купопродажните цени со кои се тргува брентот го ограничуваат влијанието на подобрувањето на цените на суровата нафта на купувачите.
Цени:
- Брент за февруарско порамнување поскапе за 0,8 отсто, до 76,42 долари за барел, во 6.34 часот во Лондон.
- ВТИ за испорака во јануари беше за 0,7 отсто поскап и дојде на 71,74 долар за барел.
.webp){kind=icon}
