Цените на нафтата паднаа бидејќи членката на ОПЕК, Либија, го рестартира производството на своето најголемо поле, зголемувајќи го глобалното снабдување. На тој начин е намалена загриженоста за настаните во Црвено Море, кои најверојатно ќе продолжат да го нарушуваат поморскиот сообраќај.
Глобалниот репер брент падна на 78 долари за барел по третпат во четири дена, додека американската вест тексас интермедиејт (ВТИ) беше близу до 73 долари. Либиската национална нафтена корпорација соопшти дека протокот на нафта од наоѓалиштето Шарара, кое претходно испумпуваше околу 270.000 барели дневно, ќе продолжи по тридневен прекин.
Bloomberg
На Блискиот Исток, трговците очекуваат продолжени прекини на транспортот во Црвено Море и Суецкиот Канал додека САД се обидуваат да ги спречат нападите на бунтовниците Хути поддржани од Иран во Јемен.
Според Џон Фајнер, претставник на администрацијата на Џо Бајден, воената акција за одвраќање на нападите ќе потрае некое време, а тој навести и дека Вашингтон може да преземе дополнителни чекори во наредните денови.
Таа шема горе-долу е поттикната од влијанието на тензиите на Блискиот Исток, вклучувајќи ја и војната меѓу Израел и Хамас во Газа, избалансирана со очекувањата дека пазарите на нафта ќе останат добро снабдени. Минатата недела Меѓународната агенција за енергетика го истакна зголемувањето на производството надвор од ОПЕК, додека растот на побарувачката забави.
Според Вандана Хари, основачка на сингапурската аналитичка фирма „Ванда инсајтс“ (Vanda Insights), нафтените пазари веќе ги зеле предвид влијанието на ќор-сокакот на Црвено Море и конфликтот меѓу Израел и Хамас. „Со континуирана економска загриженост, цената на нафтата ќе биде во рамките на одредени граници“, рече таа.
Во Европа, украинските медиуми го поврзуваат пожарот што го прекина производството на гориво за време на викендот во објектот „Новатек“ (Novatek PJSC) во пристаништето Уст-Луга на Балтичко Море со киевските специјални сили. Инцидентот го враќа фокусот на руските текови, за време на овој дел од војната меѓу Москва со Украина.
.webp){kind=icon}
