Колку всушност е преценето чоколадото по кое многумина полудеа?

Светот го опфати еуфорија за чоколадото од Дубаи, кое е комбинација од кадаиф, ф'стаци и чоколадо со малку таан. Социјалните мрежи горат, секој сака да го проба и е подготвен да издвои значителна сума за тоа. Цените варираат од седум до 40 евра во зависност од составот. Интернетот исто така пламна од рецепти, сите сакаат да пробаат чоколадо од Дубаи. Полиците во продавниците се празни. Затоа, ги засукавме ракавите и ја проверивме цената на главната состојка - ф'стаците.

Во Хрватска е толку голема побарувачката, што продавниците на влезната врата почнаа да истакнуваат информација дека продуктот го немаат повеќе на залиха Извор: Truth Social

Социјалните мрежи се преполни со видеа, секој сака да го проба и да го вкуси тој магичен крцкав вкус. И секако да се фалат со тоа на мрежите.

 

 

За цените на чоколадото и зрната какао веќе пишувавме. Цените на какаото скокнаа за дури 258 отсто од почетокот на 2023 година. Тој скок веќе се прелеа на потрошувачи на почетокот на оваа година.

Затоа таанот во килограм пакување може да се најде во малопродажба по попристојни цени, а кадаифот е уште поевтин и дополнително, можете да го направите сами од јајца и брашно.

Значи клучот се ф'стаците. Благодарение на аналитичарот на „Блумберг Адрија“ за макроекономија и пазар на капитал, Михаел Блажековиќ, ја анализиравме состојбата на светскиот пазар и добивме интересни информации.

Фстаците ја „држат“ цената на дубајското чоколадо, што е сосема неоправдано. Барем кога станува збор за чиста економска пресметка.

 

 

Како се движат цените на ф'стаците?

Имено, глобалното производство на ф'стаци на годишно ниво порасна за повеќе од 40 отсто, а побарувачката порасна за 30 отсто. Ова доведе до прекумерна понуда, што резултира со пад на цената. Исто така, добрите временски услови и зголемените земјоделски површини под насади од ф'стаци влијаеја на дополнителниот пад на цената на овој производ во последната година на американскиот пазар.

На годишна основа, според најновите податоци од октомври 2024 година, продажните цени се намалија за 16,5 отсто. Во Турција, вториот по големина производител, цените исто така паднаа откако го достигнаа врвот за време на жетвата ова лето, со оглед на тоа што за следната година се очекува рекордно производство. Ако ги погледнеме цените на сите јаткасти плодови, на годишно ниво речиси и да нема промена, туку производствените цени се стабилни.

Јаткастите плодови најдобро успеваат во САД, особено во Калифорнија, од каде потекнуваат околу 80 проценти од производството на лешници, ореви и ф'стаци. Индустријата е силно зависна од извозот, а побарувачката расте во регионите како Азија и Европа поради зголемената популарност на здрави грицки и трендови на храна. Американското производство е исклучително зависно од извозот во странство, па 80 отсто од бадемите, 70 отсто од лешниците и 65 отсто од ф'стаците одат во Европа и Азија. Што се однесува до ф'стаците, околу 60 отсто од светското производство на ф'стаци доаѓа од САД, а остатокот доаѓа од Иран и Турција.

Минатата сезона на берба беше рекордна за ф'стаците, особено во САД, каде што производството порасна за 70 проценти на годишно ниво, што е повеќе дури и откако ќе се вкалкулира и надомести падот на производството во Турција. Клучните пазари на кои се јадат ф'стаци се Кина и Европската Унија, кои заедно сочинуваат дури 58 отсто од побарувачката.

 

 

 

Самото производство на ф'стаци е скапо со оглед на работниот интензитет на културата. На дрвјата им требаат меѓу 10 и 15 години за да го достигнат врвот на производството, а тие даваат плод на секои две години, што во пракса значи послаба жетва секоја втора година. Сепак, Блажековиќ очекува цената да продолжи да паѓа поради повеќе причини.

„Всушност, производството во Турција ќе биде на рекордно ниво со оглед на тоа што поголем број стебла на ф'стаци ќе родат плодови сезонава. Се очекува за околу четири проценти повисоки приноси по дрво со оглед на тоа што повеќе дрвја се во целосна плодност и временската прогноза (сончево и суво) моментално оди во прилог на производителите“, посочува Блажековиќ.

Чоколадото од Дубаи е преполно со ф'стаци Depositphotos

Исто така, нашиот аналитичар посочува дека вреди да се спомене тоа што дури 30 отсто од засадените дрвја во Турција уште не се во фаза на жетва. Целокупното глобално производство ја надминува побарувачката во последниве години, што следствено ги остава цените на ф'стаците на стабилни и/или опаѓачки нивоа во зависност од пазарот.

Очигледно, социјалните мрежи го прават своето, побарувачката ги одредува цените, а не вистинската вредност на производот. А видео на Тикток нема цена.