Комисијата за заштита на конкуренцијата во Македонија (КЗК) го објави известувањето за концентрација за кое има резервирано мислење а се однесува на трансакцијата во која е вклучен и дел од „Џонсон Мети“, компанија која има своја фирма и во земјава. Имено американската компанија „Ханивел“ (Honeywell) неодамна објави дека се ќе го купи деловниот сегмент „Каталист Технолоџис“ (Catalyst Technologies) на „Џонсон Мети“ за 1,8 милијарди фунти во трансакција која ќе се реализира целосно во готово, што претставува приближно 11 пати поголема од проценетата EBITDA за 2025 година, вклучувајќи ги даночните олеснувања. Во известувањето од КЗК стои дека купопродажбата не вклучува никакви правни лица или средства во Македонија.
Македонците ќе немаат избор: За пет години радикална промена на работните места
Технолошката трансформација, за која денес сведочиме, во следните пет години ќе избрише 92 милиони работни места, а ќе создаде нови 170 милиони на глобално ниво, покажува извештајот на Светскиот економски форум, што ќе се сложите, воопшто не е наивен потрес на пазарот на труд. За турбуленциите да бидат уште поизразени, се предвидува дека до 2030 година дури 80 проценти од денешните професии ќе исчезнат или радикално ќе се променат.
Се очекува технолошките влијанија врз создавањето работни места да ја зголемат побарувачката за креативно размислување и вештини за отпорност, флексибилност и агилност. Анализираме како да се остане конкурентен на пазарот.
ММФ: Иселувањето разорно за производството во Македонија, потребна е итна акција
Намалувањето на населението ќе влијае на пад на производството од околу 0,5 проценти до 2030 година, проценува Меѓународниот монетарен фонд (ММФ) во својата последна анализа за состојбите во земјава, во која се истакнуваат големите структурни бариери во продуктивноста на работниците, ефикасноста на усогласување помеѓу работниците и фирмите и трошоците за создавање нови слободни работни места во Македонија во споредба со европските земји.
Влез во ЕУ е дополнителен ризик фактор што може да ги влоши состојбите, проценува ММФ, посочувајќи дека зголемувањето на продуктивноста е едно од можните решенија за неутрализирање на негативните последици од миграцијата на населението.
Државата ќе плаќа 3 евра по трансакција за електронски налози во евра
Нов модел за тарифирање на банките за извршување и порамнување на плаќањата во Македонскиот интербанкарски платен систем (МИПС), донел Советот на Народната банка на вчерашната седница, соопштија оттаму. Објаснуваат дека моделот се заснова на принципите и практиките на централните банки во евросистемот за фиксни и предвидливи надоместоци според обемот на трансакциите, со што се создава простор за поедноставување и намалување на надоместоците што банките ги наплаќаат од клиентите за извршување на електронските плаќања преку платните системи во земјата.
Почна изградбата на најголемиот ветерен парк во државата
Со симболично обележување на почетокот на градежните активности, денеска во близина на штипското село Љуботен, официјално започна изградбата на најголемиот ветерен парк во Македонија, инвестиција вредна над 500 милиони долари, поддржана од компанијата Алказар Енерџи Партнерс (АЕП/AEP) – водечки независен менаџер за одржливи инвестиции.
Станува збор за најголемата приватна инвестиција во обновлива енергија во историјата на земјата, која треба да генерира околу еден терават-час електрична енергија годишно – доволно за задоволување на значаен дел од домашните и регионалните потреби.
Франција гради поддршка за користење на најмоќната трговска алатка на ЕУ кон САД
Сè поголем број земји-членки на Европската Унија сакаат блокот да го активира својот најмоќен трговски инструмент против САД доколку двете страни не успеат да постигнат прифатлив договор до 1 август, а Доналд Трамп ја спроведе својата закана за царини од 30 проценти врз најголемиот трговски партнер на САД.
Настојувањето предводено од Франција за распоредување на таканаречениот инструмент против принуда на ЕУ е поддржано од повеќе од половина дузина европски престолнини, според луѓе запознаени со ова прашање. Неколку земји-членки се повнимателни, додека други сè уште не изразиле став, велат луѓето, кои зборуваа под услов да останат анонимни.
.webp){kind=icon}
