.webp){kind=icon}
Со неодамнешното појавување на Тејлор Свифт на наградите „Греми“, каде што носеше часовник на чокер што покажуваше дека е полноќ, исто како и насловот на нејзиниот албум „Midnights“ за кој доби награда, се чини дека начинот на кој ги носиме часовниците нè враќа во времето.
Се верува дека првиот женски часовник што може да се носи околу зглоб бил направен во 1810 година и се состоел од џебен часовник, кој бил приспособен да се закачи на белезица и да се носи на рачниот зглоб. Направен е за кралицата на Неапол, Каролин Мурат. Првиот рачен часовник, според други извори, можеби го носела кралицата Елизабета Прва уште во 1571 година.
Кога часовниците за носење првпат станаа модерни, тие дојдоа во форма на џебен часовник. Производителите на часовници ги минијатуризираа механизмите на часовниците во мали верзии, кои лесно може да се стават и извадат од џеб. Мажите од високата општествена класа почнаа да ги носат, но тие не беа практични за жените, бидејќи нивните сложени фустани немаа џебови. Како што, со текот на времето, жените почувствуваа потреба за свој часовник, тие почнаа да ги прикачуваат џебните часовници на други додатоци како белезици, ѓердани и брошеви. Основната функција, се разбира, беше да се одреди точното време.
Прочитај повеќе
Дали „Епл“ ќе мора да го повлече „епл воч“ од полиците?
Aкцијата на „Епл“ падна за помалку од еден процент, додека акциите на „Масимо“ се зголемија за 3,2 отсто.
19.12.2023
Како часовниците „ричард мил“ станаа симбол на екстравагантно богатство
Часовникот „ричард мил“ е моќен симбол на богатство за секој што е доволно упатен да ги препознае неговите познати контури
17.09.2023
„Ролекс“ го купи стогодишниот швајцарски бренд за часовници „Бухерер“
Одлуката на милијардерот Јорг Г. Бухерер ја шокира индустријата.
30.08.2023
Како високата технологија може да ни го подобри сонот?
Пред десет години речиси никој не би поверувал дека повеќе од милион луѓе ќе купат часовник што не само што го покажува времето туку и чита текстуални пораки, ја проверува временската прогноза и го следи бројот на чекори. Но се случи токму тоа.
14.08.2023
Нови трендови во луксузниот шопинг
Новите европски дестинации за луксузна потрошувачка се Париз и Милано.
20.07.2023
Водич за алтернативни инвестиции: часовници, чанти, вино...
Добре дојдовте во светот на колекционерските предмети од врвна класа во 2023 година.
31.05.2023
Околу вратот, како долг ѓердан, како прстен, околу половината: различните начини на носење часовници очигледно не се новина. Но, тие повторно стануваат тренд. Зошто сега?
Пред Свифт, овој тренд го промовираше Ријана на дебитантската ревија на Фарел Вилијамс за Луј Витон минатиот јуни во Париз.
„Ријана реши да носи часовник на сосема поинаков начин“, се наведува во тогашната изјава на „Џејкоб и ко“ (Jacob & Co). Во соработка со основачот на компанијата, Џејкоб Араб (Jacob Arab), тие разгледаа неколку опции пред ѕвездата конечно да избере рачен „флајинг турбилон“ (Flying Tourbillon) изработен од 18-каратно злато, обложен со 339 дијаманти во облик на багет, на белезица од кожа од теле со имитација на алигатор. Часовникот чинел 700.000 долари.
Своевремено, германскиот бренд „Блис“ (Bliss) лансираше машки часовник што се носеше како ремен. Се продаваше за 340 долари.
На минатогодишниот саем на часовници „Вочес и вондерс“ (Watches & Wonders) во Женева, „Пјаже“ (Piaget), „Јегер-Лекултре“ (Jaeger-LeCoultre), „Ван Клиф и Арпелс“ (Van Cleef & Arpels) и „Шанел“ (Chanel) претставија часовници на синџири што се носат околу вратот, стил познат како саутоар (sautoir). Саутоарите, какви што ги знаеме денес, се развиле на почетокот на дваесеттиот век како одговор на издолжувањето на женската силуета создадена од стилизирањето на фустаните од тој период. Исто така, повеќенаменската приспособливост беше карактеристика на накитот од 20-тите и 30-тите години на минатиот век, а ни саутоарите не беа исклучок. Тие, на пример, лесно може да се претворат во белезица или пократок ѓердан. Звучи како раните почетоци на циркуларната мода, бидејќи едно парче може да се носи на неколку начини и затоа да го продолжи времето на користење на едно парче.
Не е исклучено дека новиот тренд е одраз на растечката потреба за посвесен пристап кон модата, бидејќи нуди поразновидни стилски опции благодарение на приспособливите карактеристики. Исто така, опишаниот модел направен по нарачка на купувачот е возбудлив развој во одржливиот моден сектор. Останува само прашањето како да се вклопи цената на таквите парчиња во оваа теза, а можеби и најважното: како личноста што го носи часовникот всушност може да го одреди точното време...
