Армани не исклучува спојување или ИПО во планот за сукцесија

Џорџо Армани, култниот моден дизајнер, размислува за големи промени во неговата италијанска модна империја бидејќи се приближува до својот 90-ти роденден. Иако со децении се бореше да ја одржи независноста на „Џорџо Армани СпА“ (Giorgio Armani SpA) во услови на спојувања и преземања кои го преобликуваа луксузниот сектор, милијардерот сега ја признава можноста неговата фирма еден ден да се спои со поголем ривал или да излезе на берза. Оваа потенцијална промена претставува значително отстапување од неговиот претходен став и може да го преобликува курсот на луксузниот моден сектор.

„Независноста од големите групи може да продолжи да биде клучна вредност за 'Групацијата Армани' во иднина, но чувствувам дека не можам да исклучам ништо“, рече Армани во пишано интервју. „Она што отсекогаш го означувало успехот на мојата работа е способноста да се прилагодам на променливите времиња“.

Тоа е забележителна промена на тонот за Армани, кој се зголеми од уредување на излозите на миланските луксузни продавници до создавање на една од најпознатите луксузни куќи во светот, одржувајќи строга контрола за време на тоа „патување“ и ретко откривајќи или навестувајќи што се ќе случува по неговото заминување.

Bloomberg

Идните планови на Армани, кој ретко дава интервјуа и досега беше воздржан во разговорите за наследувањето, долго време беа главна тема во индустријата. Инвестициските банкари од Милано, исто така, го разгореа пламенот, покренувајќи безброј сценарија за компанијата низ годините. Банкарите дадоа и предлози кои никогаш не резултираа со никакви договори.

Но, дизајнерот сега изгледа поотворен за нови идеи за иднината, иако тоа ќе зависи од неговите наследници, рече тој.

„Во моментов не предвидувам преземање од страна на голем луксузен конгломерат“, напиша Армани на серијата прашања од „Блумберг“ (нему му беше поудобно со оваа форма на интервју). „Но, како што реков, не сакам да исклучувам ништо бидејќи тоа би бил 'непретприемачки' пристап“.

Армани, кој контролира речиси целиот „Џорџо Армани СпА“ и има нето вредност од 6,6 милијарди долари според индексот на милијардери на „Блумберг“, сега исто така ја остава отворена вратата за можна јавна понуда на акции.

„Берзата е нешто за што сè уште не сме разговарале, но тоа е опција што може да се разгледа, се надеваме во понатамошна иднина“, рече Армани.

Несигурноста за иднината е вообичаена во италијанската луксузна индустрија, каде што многу компании се сè уште независни и контролирани од семејства - вклучувајќи ги „Салваторе Ферагамо SpA“, „Пеада“, „Монклер“ и „Ерменегилдо Зегна“- и сите се лишени од моќта на моќните француски ривали ЛВМХ (Moet Hennessy Louis Vuitton) и „Керинг“ (Kering).

Во последните 20 години, неколку италијански луксузни фирми решија да им се продадат на Французите. Бернард Арно, контролниот акционер на ЛВМХ, кој го изгради своето огромно богатство со стекнување на околу 75 брендови, купи неколку италијански брендови, вклучувајќи ги „Фенди“, „Лоро Пиана“ и јувелирот „Булгари“. Ривалот „Керинг“ е сопственик на „Гучи“ и има 30 отсто од акциите во „Валентино“, со опција да го купи остатокот.

Што вели „Блумберг економикс“

Проценетата цена од осум до 10 милијарди евра за преземање може да се смета за разумна и би значела дека показателот EV/EBITDA е 17x. Ова сценарио претпоставува нормализирана стапка на раст на пазарот од пет до шест проценти во 2024 година и ЕБИТДА од 24 проценти, велат аналитичарите Дебора Аиткен и Андреа Фердинандо Леџиери.

Разликата од над две милијарди евра помеѓу приходите од продажба на лиценци и нето приходот (врз основа на податоците од 2022 година) потврдува дека „Армани“ зависи од лиценцирањето, така што дел од готовината може да се искористи за префрлање повеќе лиценци во своја сопственост, намалувајќи го ризикот и зајакнувајќи го идентитетот на брендот.

Армани во интервјуто јасно предупреди за поголемите луксузни групации кои „сè повеќе ги таргетираат историските брендови“. Тоа може да донесе раст од една страна, рече тој, „но од друга страна подразбира неизбежна промена во вредностите и значајни промени, вклучително и во стилот“.

Сепак, големината е важна во индустријата, а „Армани“ имаше продажба од околу 2,4 милијарди евра во 2022 година. Овој податок е во огромен контраст со речиси 80 милијарди евра што ЛВМХ ги оствари за таа година, што вклучува приходи од вино, алкохолни пијалоци и дистрибуција на групацијата.

Bloomberg

Можен исход од дилемата за наследување

За Армани, најдобриот исход во дилемата за сукцесија може да биде семејството на основачот да остане на чело со поддршка од партнерските компании за лиценцирање, вели Стефанија Савиоло, предавач по мода и менаџмент на луксуз на миланскиот универзитет Бокони.

Бизнис моделот на Армани е „многу уникатен во споредба со другите модни компании, вклучително и француските“, рече Савиоло, посочувајќи на уникатната позиција на Џорџо Армани како „дизајнер со силен идентитет кој е и претприемач и сопственик на сложено портфолио на деловни линии и фабрики“.

Армани во интервјуто потврди дека би сакал да ја препушти својата компанија на група блиски соработници. Дизајнерот нема деца, иако неколку роднини се во управниот одбор на компанијата и долго време сугерираше дека поширокото семејство на советници ќе ја води групата во иднина.

„Кога станува збор за сукцесијата, мислам дека најдобро решение би било група од доверливи луѓе блиски до мене, кои сам ќе ги изберам“, рече Армани, укажувајќи на постојното раководство на неговата фондација, особено Лео Дел'Орко, кој го поддржува дизајнерот во управувањето со компанијата со години и неговите братучеди Силвана и Роберто Армани и внукот Андреа Камерано.

„Основачот рече: „Фондацијата ќе одлучи и ќе управува со иднината на групацијата Армани, бидејќи најблиските луѓе се на нејзино чело“. Армани исто така вели дека не гледа поединец кој би го зазел неговото место на чело на компанијата.

„Почнав со мала компанија и ја трансформирав, дел по дел, во група од меѓународно значење“, рече Армани. Но, денешната модна индустрија е „многу поинаква од кога почнав, па затоа замислувам сложени координирани функции за оние кои доаѓаат по мене“.

Bloomberg

На крајот, дизајнерот рече дека се надева оти неговата родна Италија може да ја задржи централната улога во глобалната луксузна индустрија, иако таа се трансформира во нешто многу различно од она што беше пред околу 50 години, кога тој почна да ја гради својата компанија.

„Секогаш се надевам дека италијанската мода ќе остане симбол не само на имиџот, туку и на вредните и вешти раце“, рече Армани. „Ако постои една карактеристика што не дефинира како Италијанци, тоа е способноста да се прилагодиме“.

Интервју со Армани

Вашите очекувања и надежи за иднината на „Армани груп“? Кои се најголемите предизвици?

Се надевам дека таа ќе продолжи да напредува дури и во мое отсуство. Најголем предизвик ќе биде да држи чекор со времето и да се развива, одржувајќи сеопфатна визија за модата, во која поединецот продолжува да игра централна улога. Вредностите кои „Армани груп“ мора да ги одржува се безвременскиот стил, италијанската изработка, флуидноста на дизајнот и начинот на размислување и почитта кон купувачот, што значи подобрување на нивниот изглед без прикривање. Досега јас сум ја водел групата сам, и сфаќам дека моето отсуство може да создаде вакуум во моќта, но исто така работев напорно во изминатите неколку години за да обезбедам непречена транзиција.

Во вашата книга „Per Amore“ напишавте: „Наследството ми е на ум, и тоа ќе се случи“. Можете ли да го објасните вашето размислување?

Мислам дека најдоброто решение би било да формирам група на доверливи луѓе, блиски до мене, кои сам ги избрав. Тоа би била и најдобрата стратешка опција, со оглед на широчината на активностите во кои е вклучена групата. Започнав сам со мала компанија и ја трансформирав, дел по дел, во група од меѓународно значење, благодарение на вредниот придонес на соработниците што ги избрав на патот. Сценариото сега е многу поразлично во однос на периодот кога почнав, па затоа замислувам сложени координирани функции за оние кои доаѓаат по мене, што е многу поефикасно.

Кој ќе ја води вашата компанија во иднина? Каква улога ќе има фондацијата и кој ќе ја води?

Фондацијата ќе одлучува и ќе управува со иднината на „Армани груп“ бидејќи најблиските луѓе се на чело на неа. Улогата на фондацијата е пред сè да ја гарантира и заштити мојата работа и вредностите кои најмногу ги ценам и врз кои ја изградив мојата компанија. Целта ми беше да воспоставам рамка во која мојата групација би можела да функционира и во мое отсуство, оперативните детали ќе бидат дефинирани кога е потребно.

Дали предвидувате вашата компанија да остане независна во наредните години? Или би го поздравиле делумниот влез на приватни инвеститори? Ако да, под кои услови?

Независноста е една од основните вредности на сето она што сум го создал и секако онаа која најупорно ја чував до тврдоглавост. Мислам дека независноста од големите групи сепак може да биде клучна вредност за „Армани груп“ во иднина, но не чувствувам дека можам да исклучам нешто. Она што отсекогаш го означувало успехот на мојата работа е способноста да се прилагодам на променливите услови.

Ја исклучувате ли можноста групацијата за неколку години да биде преземена од голем европски луксузен конгломерат? Или ова е исто така опција која би можела да се разгледа под одредени услови?

Во моментов не предвидувам преземање од страна на голем луксузен конгломерат, но како што реков, не сакам да исклучувам ништо априори бидејќи тоа би бил „непретприемачки“ потег.

Дали мислите дека постои можност Армани да котира на берзата?

Тоа е нешто за кое сè уште не сме разговарале, но тоа е опција што може да се разгледа, се надеваме дека во далечна иднина.

Кои се вашите главни стравови и надежи за иднината на луксузот и модата во Италија? Кои се вашите размислувања за опстанокот на историските брендови?

Мојата надеж е секогаш дека италијанската мода останува симбол не само на имиџот, туку и на вредните и вешти раце. Големите групи сè повеќе се насочуваат кон историските брендови. Иако ова обезбедува раст од една страна, од друга страна носи неизбежни промени во вредностите и значајни промени, вклучувајќи го и стилот. Се надевам на спротивното: дека овие вредности ќе продолжат и дека многу од овие компании ќе ја задржат својата независност како основен принцип. Италија е секогаш плодна почва за појава на нови брендови. Ако има една карактеристика што не дефинира како Италијанци, тоа е приспособливоста, заедно со инвентивноста. Тоа ми дава надеж.