„Епл вижн про“: Што можат да очекуваат корисниците од револуционерната технологија?

„Епл“ успеа да го наелектризира целиот технолошки свет со најавата на очила за мешана реалност, кои ги нарече „вижн про“ (Vision Pro).

Неколку месеци по објавувањето, првите примероци почнаа да се појавуваат во САД и се чини дека сега погледите на сите љубители на технологијата се вперени во Америка за да дознаат ништо повеќе за овој револуционерен производ.

Тоа особено важи за потрошувачите во Европа, кои ќе мора да чекаат долго време пред да имаат можност да купат своја копија, бидејќи „Епл“ ги најави првите уреди „вижн про“ за почетокот на 2025 година.

Причината за тоа може да лежи во сложеноста на самата технологија на очилата, потребата од приспособување на оперативниот систем на различни европски јазици и специфичното функционирање на брендот во секоја од земјите.

Дополнителен проблем би можеле да бидат регулативите на ЕУ во однос на заштитата на личните податоци, бидејќи „вижн про“ ги следи и собира личните податоци на корисници, други луѓе, локации и активности со цел во основа да може да го прави она за што „Епл“ го создал.

Со оглед на високата цена од 3.500 долари по која може да се набави во САД и 5.000 долари по која веќе се појави во претпродажба на секундарниот пазар, како што пренесува „Блумберг“, не треба да ја пропуштите можноста подобро да се запознаете со овој револуционерен уред и сите негови предности и недостатоци што ги носи во случај да планирате да си набавите копија.

Што е всушност „епл вижн про“?

Светот на мешаната реалност, кој комбинира виртуелна реалност (ВР) и зголемена реалност (АР), е во фокусот на технолошките иновации.

Мешаната реалност, позната и како проширена реалност (ХР), ја спојува дигиталната содржина со физичката средина, овозможувајќи нови можности во забавата, продуктивноста и комуникацијата. „Епл вижн про“ го носи овој концепт до нови височини, дозволувајќи им на корисниците да истражуваат и да комуницираат со виртуелниот свет, додека сè уште остануваат поврзани со својата околина.

Со интуитивни контроли, како следење на очите, гестови со рацете и гласовни команди, корисниците можат лесно да се движат низ дигиталниот пејзаж. „Вижн про“ ја елиминира потребата од традиционални контролори, обезбедувајќи природно и извонредно искуство.

„Епл вижн про“ нуди широк спектар на апликации за забава и продуктивност. Корисниците можат да распоредуваат апликации насекаде, да ги нагодуваат до саканата големина и да создаваат персонализирани работни простори што беспрекорно се вклопуваат во нивната реална средина. Интеграцијата со други уреди на „Епл“ преку синхронизација на „ајКлауд“ (iCloud) обезбедува достапност на содржината на повеќе уреди.

„Епл вижн про“ го користи истиот процесор M2 што се наоѓа во производите на „Мек“, има 12 камери, шест микрофони и пет сензори, а исто така е компатибилен со голем број модифицирани иOС-апликации, кои можат да се преземат во моментот.

Ново искуство и користење мултимедија

„Епл вижн про“ го редефинира концептот на лично кино, овозможувајќи им на корисниците да создадат сопствено филмско искуство каде и да одат. Благодарение на способноста да го привлече корисникот во дигиталниот свет, оваа слушалка ги оживува филмовите, сериите и игрите на начин што ги надминува традиционалните искуства за гледање. Со проширување на содржината до совршена големина во виртуелниот работен простор на корисникот, тие можат целосно да се претопат и да станат активен дел од акцијата.

„Вижн про“ нуди неспоредливо ниво на претопување кога станува збор за консумирање забавна содржина. Гледањето филмови и стриминг-серии добива нова димензија, бидејќи двојните дисплеи со висока резолуција, со повеќе пиксели по око од телевизорот 4K, обезбедуваат извонреден визуелен квалитет. Резултатот е поголемо искуство од животот што ги транспортира корисниците директно во светот на нивните омилени филмови и серии.

Играњето исто така достигнува нови височини со „вижн про“. Извонредната природа на слушалките им овозможува на корисниците да влезат во виртуелните светови, да комуницираат со ликови и предмети и да учествуваат во возбудлива игра како никогаш досега. Од авантури преполни со акција до искуства со решавање загатки, „вижн про“ нуди широк опсег на опции за игра што ги заматуваат линиите помеѓу реалниот и виртуелниот свет.

Bloomberg

Пристап до „Епл ТВ+“ и услугите за стриминг

„Вижн про“ беспрекорно се интегрира со „Епл ТВ+“ и популарните услуги за стриминг, овозможувајќи им на корисниците пристап до огромна библиотека на содржини. Само со неколку допири или гласовни команди, корисниците можат да уживаат во своите омилени филмови, ТВ-серии и ексклузивни оригинали на „Епл“ во големи размери. „Вижн про“ го подобрува искуството на гледање, правејќи го филмски и возбудливо.

Досега само неколкумина успеале детално да ги тестираат или купат новите очила на „Епл“, а аналитичарите од компанијата „Инфиниум“ (Infinium), која се занимава со креирање дигитални производи, го споделија своето мислење за многубројните предности и недостатоци што ги има „вижн про“.

Недостиг од привлечност

Ајподот, ајпадот, ајфонот и „епл воч“ беа естетски привлечни производи, чиј дизајн им понуди на корисниците дополнително ниво на ексклузивност, изразувајќи висок статус и интелигенција. Спротивно на тоа, на „епл вижн про“ му недостига таа привлечност. Кога корисниците го носат, тие личат на батерии што одат.

Фокусирани на технологијата, а не на потребите на корисниците

„Вижн про“ е извонреден хардвер изграден на илјадници патенти, кои ќе напојуваат два нови чипа што работат во тандем. Сепак, во моментов нема значителна побарувачка за него. Ставањето на овие екстравагантни очила на вашето лице во основа не решава никаков сериозен проблем со клиентите. Иако постојат одредени намени, тие се насочени кон специфични пазари, како што се можностите за далечинска хирургија, но малку е веројатно дека „Епл“ ќе може да им продаде милиони единици „вижн про“ само на хирурзите.

Непријател на буџетот

Со цена од 3.500 долари, „вижн про“ е надвор од буџетот „направи сам“ и има големи шанси да не стане следниот суштински уред за секого. Како што стојат работите во моментов, „вижн про“ првенствено ќе биде луксузна играчка за богатите. Во минатото „Епл“ беше исклучително успешен во дизајнирањето и производството на производи што се достапни речиси за сите. Сепак, со толку висока цена, „вижн про“ повеќе личи на инвестиција отколку на достапен уред.

Ограничена достапност на апликацијата

Дизајнирањето, развојот и тестирањето на мобилни апликации е веќе сложен и скап процес. Сега замислете ја дополнителната сложеност на создавање апликации за платформа за „просторно пресметување“. Како воопшто правите контрола на квалитетот за тоа? „Еп стор“ на „Епл“ е еден од најголемите генератори на приходи. Без значителна корисничка база, „Еп стор“ за просторни апликации нема да се развие, што ќе резултира со ограничена достапност на апликациите и нивна повисока цена.

Социјални и регулаторни притисоци

Екраните имаа штетни ефекти врз општеството, видливи во зголемените стапки на депресија и зголемена поларизација. Регулаторните тела низ светот брзо воведоа казни и донесоа рестриктивни регулативи со цел да ги стават овие негативни влијанија колку што е можно под контрола и во разумни граници. Воведувањето уред што целосно ги одвојува корисниците од нивните реални општествени кругови може да привлече дополнително (негативно) внимание од многу институции, што, пак, би довело до даноци за уредите AР/ВР слични на даноците за тутун или алкохол.

Безбедност

Како што забележа известувачот на „Блумберг“ Марк Гурман, корисниците би можеле да се најдат во сериозна неволја доколку го заборават кодот за пристап.

Тековната верзија на оперативниот систем „вижн про“ нема функција за бришење на уредот во случај сопствениците да ги заборават своите лозинки. За „вижн про“ ќе треба да добиете помош од „Еп стор“ или да ја испратите до поддршката на „Епл кер“. Тимовите за поддршка на клиентите на „Епл“ веќе испраќаат повици за ова прашање - но доаѓаат добри вести. Ажурирањето на вижнОс 1.1, кое пристигнува следниот месец, вклучува механизам на уредот за бришење содржина и ресетирање на лозинката. Во меѓувреме, заборавените корисници може да имаат некои главоболки.

Предности

Како највредна компанија во светот, „Епл“ доминира во сите сектори. Со докажан успех, тие не прават вакви потези без опсежно истражување.

Кога „Мета“ (поранешен „Фејсбук“) ги претстави слушалките за „ВР квест про“ (VR Quest Pro) во октомври 2022 година, по скапиот напор за ребрендирање во 2021 година, тие се фокусираа на аквизиции во полето на зголемена, виртуелна и мешана реалност, покривајќи и хардвер и софтвер. Според „Њујорк тајмс“, „Мета“ инвестирала огромни 10 милијарди долари во метаверзумот во 2021 година! Во првиот квартал од 2022 година, пазарот забележа раст од 240 проценти, при што „Мета“ има удел од 90 проценти.

Иако „Мета“ моментално води во ВР-просторот, влезот на „Епл“ сугерира постоење на значајна и остварлива пазарна можност.

Платформите го водат патот - не потрошувачите

Компаниите со платформа, како „Епл“ и „Андроид“, имаат значително влијание на пазарот на апликации, дозволувајќи им на технолошките платформи да допрат до поширока корисничка база. Без продавницата за апликации и мобилните можности, напредокот со ова темпо би бил речиси невозможен.

Мобилните платформи „Епл“ и „Андроид“ ги обликуваат судбината на компаниите и талентот што се развива врз нивна основа. Додека потрошувачите имаат одредено влијание, компаниите што имаат пристап до податоците на корисниците, како што е „Епл“, добиваат увид и ги разбираат потребите на пазарот долго пред потрошувачите. Покрај тоа, овие компании имаат финансиски ресурси да инвестираат во идни истражувања и развој.

Недоразбирање на позицијата на креаторите и иноваторите

„Епл“ често е препознаен како една од најиновативните компании во светот. Но, ако погледнеме малку подобро, ќе забележиме дека успехот на компанијата всушност лежи во подобрувањето и комерцијализацијата на пронајдоците на другите компании.

Ајфонот не беше првиот паметен телефон, а сепак во вториот квартал од 2015 година контролираше 92 отсто од профитот на глобалниот пазар на паметни телефони, според податоците на „Волстрит журнал“. „Епл воч“ не беше првиот паметен часовник, како што брзо истакнуваат обожавателите на андроид. Сепак, во рок од еден квартал од неговото лансирање во 2014 година, тој го намали глобалниот пазарен удел на паметните часовници на „Самсунг“ во САД од 74 проценти на осум проценти, според податоците од технолошката страница „Цент“.

Спојување на виртуелниот и физичкиот свет

Со години расте апетитот на потрошувачите за поголеми брзини на преземање содржини, подобрена резолуција, подобрена персонализација и проширени опции во рамките на нивните кориснички искуства.

AР/ВР претставува природна прогресија во интеракцијата човек-компјутер, овозможувајќи подлабоко присуство и поразновидни однесувања и задачи.

Нема сомнение дека „епл вижн про“ е револуционерен уред, кој комбинира моќен хардвер, интуитивни контроли и извонредно корисничко искуство, што отвора сосема нов свет на можности кога станува збор за продуктивноста, креативноста, забавата и деловната соработка.

Новиот уред на „Епл“ ја отвора вратата за нова ера на измешана реалност, каде што ќе го промениме начинот на кој комуницираме со технологијата и ќе бидеме многу повеќе поврзани со неа.

Останува да видиме дали таквиот свет навистина ќе ни донесе подобрување или куп нови проблеми.