Десет хит-филмови што ги очекуваме во 2026 година

Плакат за истоимениот мјузикл на зградата на театарот „Доминион“ во Лондон | Depositphotos

За жал (или за среќа), најавата од само 50 секунди не откри многу, па ќе мора да почекаме до 1 мај за да дознаеме што се сменило во животите на двете хероини.

Два нови филма од „Војна на ѕвездите“

Ова ќе биде одлична година за фановите на „Војна на ѕвездите“, бидејќи „Дизни“ објавува дури два филма.

Првиот е „Мандалоријанецот и Грогу“ (The Mandalorian & Grogu), каде главните улоги ги толкуваат Педро Паскал како Дин Џарин, Сигурни Вивер и Грогу, малото вонземјанче познато и како „бебе Јода“. На актерската екипа ѝ се приклучува и Џереми Ален Вајт.

Приказната го следи Дин Џарин, ловец на глави кој го штити Грогу додека галаксијата сè уште ја тресат остатоците од Империјата, а Новата Република се обидува да воспостави мир. За време на нивните патувања, Дин и Грогу се соочуваат со опасности, се борат со непријатели и истражуваат нови светови, а Грогу покажува извонредни способности што им помагаат во нивните авантури.

Бебе Јода | Depositphotos

Премиерата на филмот е закажана за 22 мај 2026 година.

Вториот филм од „Војна на ѕвездите“ (Star Wars), потврден за декември 2026 година, сè уште не е официјално најавен, но се шпекулира дека би можел да биде нов филм за Реј.

„Приказна за играчките 5“ (Toy Story 5)

Од далечната галаксија се префрламе во светот на играчките. Новото продолжение на култната анимирана сага пристигнува за да заокружи уште една генерација авантури на Вуди, Баз и остатокот од екипата. Филмот ветува нови емотивни моменти, акција и хумор кои го прославија серијалот.

Овојпат негативец е таблет сличен на ај-пад, со име Лилипад, а критиките се однесуваат на тоа што ова е веќе петти филм од серијалот и дека „Пиксар“ (Pixar) можеби премногу ја продолжува франшизата. На тоа Стантон одговара дека целта не е само да се направи уште едно продолжение, туку да се истражи како технологијата ги менува животите и односите, особено низ перспективата на децата и нивните играчки.

Премиерата е закажана за 19 јуни 2026 година.

Depostiphoto

„Одисеја“

Сега одиме многу подлабоко во минатото, во срцето на грчката митологија: новиот филм на Кристофер Нолан нè враќа во античка Грција, каде ќе го следиме патот на кралот од Итака. Во главните улоги се Мет Дејмон како Одисеј и Том Холанд како Телемах, а во големата актерска екипа се вклучени и Зендаја, Ен Хетавеј, Роберт Патинсон и Шарлиз Терон.

Приказната го следи долгиот и опасен пат на Одисеј кон домот по Тројанската војна, додека се соочува со митски суштества, богови и бројни искушенија кои ја тестираат неговата снаодливост и храброст, во обид да го пронајде патот кон својата сопруга Пенелопа.

Филмот, заснован на истоимениот еп на Хомер, ќе биде снимен целосно на Ај-макс (IMAX), при што Нолан користи нова технологија за да ги прикаже епските сцени во нивната целосна величина. Премиерата е закажана за 17 јули 2026 година.

Кристофер Нолан | Depositphotos

Спајдермен: Нов ден
 

Филмот го режира Дестин Даниел Кретон. Главната улога повторно ја игра Том Холанд како Питер Паркер/Спајдермен, Зендаја како Ем Џеј и Џејкоб Баталон во улогата на Нед, а се појавува и Џон Бернтал како Панишер. Инаку, Зендаја и Холанд се во врска и надвор од екранот, а на почетокот на годината ја официјализираа нивната свршувачка.

Приказната го следи Питер, кој се обидува да води нормален живот по настаните од „No Way Home“, но нова закана го принудува повторно да го облече костумот на Спајдермен.

Премиерата е закажана за 31 јули 2026 година.

Depostiphoto

Дина: Месија (Dune: Messiah)

Го видовме далечното вселенско минато и античките митови, а сега одиме длабоко во иднината: таму нè води третиот дел од трилогијата „Дина“ на режисерот Денис Вилнев. Тимоте Шаламе и Зендаја повторно ги толкуваат главните улоги.

Внимание – следува откривање на содржина: Џејсон Момоа се враќа како Данкан Ајдахо, и тоа во форма на „гола“ – клонирана верзија на неговиот поранешен лик. Неговиот син, Накао-Вулф Момоа, кој сега има 16 години, дебитира во филмот како Лето II.

Премиерата е закажана за 18. декември 2026 година.

Продолженијата на филмот „Дина“ се познати по рекордната гледаност на глобално ниво | Depositphotos

„Одмаздници: Суден ден“ (Avengers: Doomsday)

Истовремено, на 18. декември пристигнува и „Одмаздници: Суден ден“, најавениот филм на „Марвел“ (Marvel Studios). Во филмот ќе се здружат Одмаздниците, Фантастичната четворка, Икс-мен и други херои за да се спротивстават на Доктор Дума, кого го толкува Роберт Дауни Џуниор.

Неколку други проекти што заслужуваат внимание:

• „Супер Марио – Галаксија“ („Super Mario Galaxy Movie“)
• „Супергрл – Жената на утрешнината“ („Supergirl – Woman of Tomorrow“)
• „Невестата“ – современа верзија на Франкенштајн („The Bride“)
• „Остроумните: Бесмртниот човек“ („Peaky Blinders: The Immortal Man“) – продолжение на серијата, ја следи приказната за Томи Шелби
• „Смртта на Робин Худ“ („The Death of Robin Hood“) – потемна, пореалистична интерпретација на легендата
• „Драмата“ („The Drama“) – со Роберт Патинсон и Зендаја во главните улоги

Добрата вест е што имаме што да гледаме додека чекаме.

Сезоната на доделување награди, која започна на 18. ноември со европските признанија и трае до нејзиниот врв – доделувањето на Оскарите на 15. март 2026 година, е тука за да нè потсети кои беа најдобрите филмови од 2025 година. Ако сте пропуштиле некој – сега е вистинското време да го погледнете.