Се бараат „шепкачи за вештачка интелигенција“ за плата од 335 илјади долари

Сите зборуваат за вештачката интелигенција зад ЧетГПТ (ChatGPT). Поради тоа, фокусот не е толку многу насочен кон растечкиот технолошки пазар на трудот, со новосоздадени позиции за кои се плаќа и над 335.000 долари годишно. За многу такви позиции дипломата по компјутерско инженерство и не е обврзувачка.

Наречени „брзи инженери“, тие се луѓето што минуваат денови наведувајќи ја вештачката интелигенција (ВИ) да оствари подобри резултати, помагајќи им на компаниите да ја обучат својата работна сила за најдобро да ги користи овие алатки.

Компаниите како „Алфабет“ (Alphabet), „Опен еј-ај“ (OpenAI) и „Мета“ (Meta Platforms) создадоа повеќе од десетина јазични системи за вештачка интелигенција, наречени големи јазични модели или LLM. Технологијата брзо ја надмина експерименталната фаза и влезе во практична употреба. „Мајкрософт“ (Microsoft) го интегрира ЧетГПТ во својот пребарувач „Бинг“ (Bing) и алатката за развој на софтвер „Гитхаб“ (GitHub).

Како што се шири технологијата, многу компании сфаќаат дека им треба некој што ќе ги подобри нивните крајни резултати.

„Тие се како шепкачи за вештачката интелигенција“, вели Алберт Фелпс, „брз инженер“ во „Мудан“, дел од консултантската компанија „Аксенчур“ (Accenture) во Лејтонстон, Англија. „Често ќе најдете брзи инженери што доаѓаат од гранки како историја, филозофија или англиски јазик, бидејќи тоа е игра со зборови. Се обидувате да ја дестилирате суштината или значењето на нешто во ограничен број зборови“.

Фелпс (29) студирал историја на Универзитетот во Ворвик, во близината на Бирмингем, Англија, пред да ја започне својата кариера како консултант на банки како што се „Клајдсдејл“ (Clydesdale Bank) и „Барклис“ (Barclays), помагајќи им да се справат со ризиците и регулаторните прашања. Говор што го слушнал на институтот за вештачка интелигенција „Алан Тјуринг“, финансиран од британската влада, го инспирирал да ја истражува вештачката интелигенција, што довело и до неговото вработување во „Аксенчур“.

Со своите колеги, тој го минува поголемиот дел денот пишувајќи пораки или „прашалници“ за алатки како ЧетГПТ на „Опен еј-ај“, кои можат да се зачуваат како готови обрасци во „игралиштето“ за клиенти на „Опен еј-ај“. „Еден типичен ден во животот на брз инженер вклучува пишување пет различни обрасци, со околу 50 интеракции со ЧетГПТ“, вели Фелпс.

Премногу е рано да се зборува колку е распространет брзиот инженеринг или колку ќе стане распространет. Парадигмата се појави во 2017 година, кога истражувачите на вештачка интелигенција создадоа „однапред обучени“ LLM, кои можат да се приспособат на широк опсег задачи преку додавање текст од човечки фактор. Минатата година, LLM како ЧетГПТ привлекоа милиони корисници, од кои сите на некој начин се вклучени во форма на брз инженеринг преку нивните прашања.

Компании како „Антропик“ (Anthropic), стартап поддржан од „Гугл“ (Google), огласуваат плати до 335.000 долари за „брз инженер и библиотекар“ во Сан Франциско. Автоматизираниот прегледувач на документи со седиште во Калифорнија, „Кларити“ (Klarity), нуди дури 230.000 долари за инженер за машинско учење што може да „укаже и да разбере како да се произведе најдобриот резултат“ со помош на алатки за вештачка интелигенција. Надвор од светот на технологијата, Бостонската детска болница и една лондонска адвокатска фирма неодамна огласија потреба од брзи инженери.

Сега дури е можно и да се купуваат и продаваат текстуални прашалници на „Промпт бејс“ (PromptBase), помагајќи им на луѓето да ангажираат брзи инженери со надомест, за да конструираат специфични обрасци.

Најплатените работни места честопати одат кај луѓе со докторати по машинско учење или етика или оние што основале компании за вештачка интелигенција. Регрутери и други познавачи велат дека тоа се меѓу клучните вештини потребни за успех.

„Тоа е веројатно најбрзорастечкиот ИТ-пазар од сите оние на кои сум работел во изминатите 25 години“, вели Марк Станден, кој го води бизнисот за вработување во сферата на вештачката интелигенција, машинското учење и автоматизацијата во „Хејс“ (Hays) во Британија и Ирска. Почетните плати започнуваат од 40 илјади фунти, но  во нашата база на податоци имаме кандидати што бараат од 200 до 300 илјади фунти годишно. Стручните брзи инженери дури имаат и слобода да ја наведат посакуваната сума“.

Bloomberg

„Гугл“, „Тикток“ и „Нетфликс“ ги зголемија платите, но оваа улога станува главна меѓу поголемите компаниите благодарение на возбудата околу лансирањето на ГПТ-4 (ChatGPT-4) на „Опен еј-ај“, „Гугл бард“ и четботот на „Мајкрософт“ за „Бинг“.

Надвор од светот на технологијата, компании во областа на финансиите, правото и осигурувањето експериментираат со алатки за вештачка интелигенција, што исто така ја поттикнува побарувачката.

Брзиот раст на индустријата веќе се споредува со блокчејн, незаменливите токени (НФТ) и крипто, кои доживеаја процут во 2021 година и многу компании понудија големи плати и бонуси за такви работни места. Технолошките компании сега додаваат ВИ во своите огласи за да привлечат таленти што го напуштиле или биле принудени да го напуштат светот на крипто. Пазарот на трудот можеби дури се движи и пред технологијата.

„Тоа би можело да биде знак за балон“, вели Том Хјуитсон, основач на „Лабворкс“ (labworks.io), студио за дизајн на разговор што конструира гласовно контролирани вештини за Алекса на „Амазон“ во Лондон. „Луѓето што се најпогодни за ова се дизајнери на производи или деловни аналитичари на кои им е удобно да работат со вештачка интелигенција и вообичаено заработуваат меѓу 100 и 150 илјади фунти“.

Значи, сите заинтересирани, подобро побрзајте.

„Брзите инженери се главниот начин на кој луѓето стапуваат во интеракција со овие алатки, па затоа е профитабилно да се биде добар во тоа“, вели Адријан Велер, директор за истражување за машинско учење на Универзитетот во Кембриџ. „Не би бил толку сигурен дека трендот ќе продолжи уште долго. Немојте премногу да се двоумите за брзиот инженеринг. Почнува да се развива многу брзо“.

Во моментов нема коментари за веста. Биди прв да коментира...

Остави коментар