„Хјундаи“ ќе продава електричен „инстер“ за помалку од 25.000 евра

„Хјундаи мотор“ (Hyundai Motor Co.) му се приклучува на редот на производители на автомобили што се обидуваат да го забрзаат усвојувањето електрични автомобили (ЕВ) и да ѝ се спротивстават на евтината конкуренција од Кина со модел на батерии за кој соопштија дека ќе чини помалку од 25.000 евра (26.775 долари).

Супкомпактниот теренец (СУВ) „инстер“, кој дебитираше на Меѓународниот саем за мобилност во Бусан во четвртокот, ќе биде пуштен во продажба во Јужна Кореја летово, пред да биде извезен во Европа и на Блискиот Исток, а подоцна и во пацифичко-азискиот регион, соопшти компанијата.

Градскиот автомобил долг 3,8 метри, познат како „каспер електрик“ (Casper electric) во Кореја, доаѓа со стандарден софтвер за помош на возачот и батерија на база на никел од 42 киловата, која може да помине 300 километри (186 милји) со едно полнење; поголем пакет на батерии нуди опсег од 355 километри. Точната цена ќе биде објавена во текот на годинава.

„Старите производители на автомобили почнуваат да прават помали ЕВ за да ја поттикнат електрификацијата на масовниот пазар, бидејќи очекуваат побарувачката за тој сегмент да расте“, рече Ким Сунг-рае, аналитичар во „Ханва инвестмент и секјуритис“ (Hanwha Investment & Securities) во Сеул. Купувачите на автомобили во Јужна Кореја и во Југоисточна Азија „не сакаа да имаат електрични возила поради нивните високи цени и големи димензии“, рече тој.

Глобалните производители на автомобили, од „Хјундаи“ до „Тесла“, БЈД (BYD Co.) развиваат ценовно пристапни електрични возила додека високите каматни стапки ги притискаат потрошувачите, а кинеските компании го зголемуваат извозот на евтини автомобили со врвна технологија. БЈД планира да го донесе во Европа својот електричен „сигул хечбек“ (Seagull hatchback), кој се продава за помалку од 10.000 долари во Кина, а тоа најверојатно ќе се случи следната година. Дури и по тарифите и модификациите за да се задоволат европските стандарди, раководителите на БЈД очекуваат „сигул“ да се продава за помалку од 20.000 евра на континентот.

„Нашата цел отсекогаш беше да произведеме автомобил за нашите потрошувачи во Европа под 25.000 евра“, наведе во изјавата Андреас-Кристоф Хофман, потпретседател за маркетинг и производи на „Хјундаи“ во Европа.

Компанијата продаде повеќе од 635.000 возила во Европа минатата година, трет по големина регион, по САД и Кореја. Додека растот во Европа и во САД поттикна рекорден профит за корејскиот производител на автомобили, падот во Кина се забрзаа. Третата по големина светска групација за производство на автомобили сега држи помалку од 1 отсто од кинескиот пазар, што е пад од околу 10 отсто од нејзиниот врв во 2009 година.

Додека Кина и Европската Унија се расправаат околу тарифите за електричните возила од Кина, француски „Рено“ (Renault SA) и „Стелантис“ (Stellantis NV) ги прекинуваат договорите со кинеските ривали за да помогнат во соочувањето со налетот на поевтиниот извоз во Европа. „Рено“ ќе развие голем дел од своето „твинго ЕВ“ (Twingo EV) од 20.000 евра во Кина, објави „Блумберг“ минатиот месец.

Сајмон Лозби, раководител на глобалниот дизајнерски центар на „Хјундаи“ во Сеул, рече дека дизајнот и привлечноста на брендот на автомобилот ќе бидат доволни за „Хјундаи“ целосно да оди во пресрет со новата кинеска конкуренција.

„Веруваме дека 'каспер електрик' навистина одговара на личностите од генерацијата зед, нивниот животен стил, она што тие го бараат, па веруваме дека ќе издржи“, рече тој во интервјуто на саемот на автомобили во Бусан. „Но, сè оди напред и ние мора да продолжиме да се движиме исклучително брзо за да останеме напред“.

Новиот електричен мини-СУВ (SUV) доаѓа со приспособливи панели во боја во внатрешните врати изработени од рециклиран материјал и лице со емотикони на роботи залепени на прозорецот на задното седиште, детали што Лозби вели дека ќе помогнат кај потрошувачите од генерацијата зед што ги ценат индивидуализмот и поетичките купувања.

Наместо да ја користи поскапата ЕВ-платформа што ги поткрепува „ионик 5“ (Ioniq 5) и ионик 6 (Ioniq 6), „Хјундаи“ го создаде „инстер“ како електрична варијанта на својот градски автомобил на бензин „каспер“. Тој исто така има повеќе премиум технолошки карактеристики, како помош за паркирање и предупредувања за напуштање лента, стандардни во почетниот модел, наклонетост кон конкурентскиот притисок од кинеските производители на автомобили како БЈД, чиј „сигул“ нуди функции како ротирачки екран на допир и безжично полнење на телефонот. Батеријата на „инстер“ може да се полни од 10 до 80 отсто за 30 минути.

Дури и тогаш на „инстер“ може да му биде тешко да се мери со кинеските ривали, особено за опсегот и цената на батериите, бидејќи кинеските производители на батерии ги прават ќелиите поевтино од корејските ривали, рече Ју Џанг, управен директор во „Аутомотив форсајт“ (Automotive Foresight), со седиште во Шангај. 

„Инстер“ „може да ја цели на Европа или на пазарите во развој како Индија, но дури и 20.000 евра би биле премногу за автомобилот во Европа, со оглед на неговиот краток опсег на возење“, рече Ким Тае-Нјен, претседател на „Мире-мобилити рисрч и сервисис“ (Mirae-Mobility Research and Services). Помал, поевтин ЕВ сигнализира дека „Хјундаи“ „засега не може да направи огромна инвестиција на премиум електрични возила поради слабата побарувачка на пазарот“.

Во моментов нема коментари за веста. Биди прв да коментира...

Остави коментар