Македонија губи во борбата со корупцијата. Земјата лани забележа пад од 12 места на листата на Транспаренси Интернешнл во однос на 2023 година. Индексот на перцепција на корупцијата лани паднал за два поени и сега Македонија се наоѓа на 88 место од вкупно 180 држави. На истото место се и Казахстан, Суринам и Виетнам.
За првиот човек на Транспаренси во земјава, Благоја Пандовски, овие негативни резултати се последица на големиот број скандали кои се случија минатата година, а особено во областа на судството. За премиерот Мицкоски, извештајот е логичен и добро е што не е полош.
Добро утро, ова се останатите пет вести, важни за почеток на денот.
Колку е Македонија подготвена за вештачка интелигенција?
Македонија со 0,48 бодови се најде на 77. место меѓу 174 земји во светот рангирани според индексот за подготвеност за вештачка интелигенција на Меѓународниот монетарен фонд. Во однос на земјите од регионот Адрија, Македонија го зазеде претпоследното место. Најподготвена за вештачка интелигенција е Словенија (0,63 бодови), а потоа следуваат Хрватска (0,58), Србија (0,54) и последна е БиХ (0,43 бодови).
Вредноста на индексот за подготвеноста на земјите за вештачка интелигенција се движи од 0,11 бодови оценувајќи го Јужен Судан со најниско ниво на подготвеност до 0,80 бодови оценувајќи го Сингапур со највисоко ниво на подготвеност. За пресметка на индексот, ММФ ги зема предвид состојбата со дигиталната инфраструктура, човечкиот капитал, иновациите и економската интеграција, како и регулативата и етиката во доменот на вештачката интелигенција.
Јалова револуција: Животот на батеријата поважен од вештачката интелигенција
Изгледа како да беше одамна, но ЧетГПТ (ChatGPT) постои помалку од три години. Четботот што „Опен еј-ај“ (OpenAI) го лансира во ноември 2022 година донесе многу промени, вклучувајќи и во телекомуникацискиот сектор, па нема компанија за мобилни телефони, без разлика колку е голема, што нема планови да продолжи да ги развива функциите за вештачка интелигенција (ВИ) за да привлече повеќе клиенти и да не заостанува зад другите.
Минатата година напредокот беше значителен. Пред сè со јакнењето на конкуренцијата од големите компании, како што се „Епл“ (Apple), со „епл интелиџенс“ (Apple Intelligence / AI), „Самсунг“ (Samsung), со „галакси еј-ај“ (Galaxy AI) или „Гугл“ (Google) со „џеминај“ (Gemini).
Сем Алтман: Животот на Маск е полн со лична несигурност
Извршниот директор на „Опен еј-ај“ (OpenAI), Сем Алтман, рече дека компанијата „не е на продажба“ и дека Илон Маск најверојатно се обидува да го забави напредокот на компанијата со оваа понуда.
„Мислам дека тој веројатно само се обидува да нè забави. Тој е очигледно конкурент“, рече Алтман во интервју за ТВ „Блумберг“ во вторникот, на маргините на самитот на вештачката интелигенција во Париз. „Посакувам да можам да се натпреварувам со градење подобар производ, но мислам дека имаше многу тактики, многу, многу тужби, секакви други луди работи, а сега ова“.
Како да избегнете трагедија при купување биткоин?
Цената на биткоинот се движи околу историски највисоко ниво од 100.000 долари. Во изминатата година, биткоинот доби околу 130 проценти. Зголемувањето на цената и минатите добивки привлекуваат нови инвеститори кои за прв пат се соочуваат со процесот на купување биткоин.
Купувањето и складирањето на биткоин брзо може да тргне наопаку. Како можете да ги избегнете најочигледните грешки и измами?
Ѕвезда од генерацијата зед зборува за поврзување на брендовите и публиката
Тој е Џош Ричардс и неговата супермоќ е што знае како да комуницира со генерацијата зед (Gen Z). Овој 23-годишен канадски инфлуенсер стекна глобална популарност, како и завидна деловна кариера благодарение на неговиот уникатен стил.
Тој има 25,5 милиони следбеници само на Тикток (TikTok), како и уште милиони други на Инстаграм (Instagram) и на Јутјуб (YouTube). Гледањето на светот низ перспектива на дваесетгодишник се претвори во брзорастечка деловна империја. Тој внимателно ги следи брендовите што го интересираат или со кои е поврзан, а потоа активно ги бара, наместо да чека работната понуда да дојде до него.
.webp){kind=icon}