Нискобуџетната унгарска авиокомпанија „Визер“ ја укинува авиолинијата од Скопје до Будимпешта и од 9 март годинава повеќе нема да лета на таа дестинација, а од неодамна не продава билети за таа рута. Од „Визер“ велат дека континуирано ги следат перформансите на своите рути за да овозможат најпопуларните дестинации да имаат најниски можни цени.
Добро утро, ви пишува Владимир Николоски од дигиталната редакција на „Блумберг Адрија“. Подолу петте вести што ги извоивме за почеток на денот.
Крипто – индустријата на изборите во ноември го доби тоа што го сакаше. Што понатаму?
Крипто - светот ја почна 2025 година со голем залет. Еден месец откако Доналд Трамп победи на претседателските избори во САД, вредноста на биткоинот за прв пат надмина 100.000 долари, што поборниците за криптовалути го протолкуваа како увертира за уште поголем раст. Ова навистина изгледа различно од циклусите на бум и пад што ги одбележаа првите години на криптовалутите.
На чело на САД за прв пат е претседател кој отворено ги поддржува криптовалутите, па дури и промовираше свој токен. Трамп веќе се подготвува да назначи поддржувачи на криптовалути на клучни позиции во администрацијата. Бидејќи тој вети, меѓу другото, на годишната конференција за биткоин во јули 2024-та дека ќе воведе стратешка национални резерви на биткоин, аналитичарите сериозно размислуваат дали САД можат тоа и да го спроведат.
Како да инвестирате во криптовалути
Ако сте барем малку заинтересирани за криптопазарот, тешко дека ви поминал незабележано спектакуларниот крај на 2024 година, кога биткоинот достигна нов ценовен рекорд, надминувајќи 108.000 долари. Тоа беше завршница на извонредна година за изворната криптовалута, која започна со лансирањето на првите американски ЕТФ-ови (англ. exchange-traded funds – фондови со кои се тргува на берза) што директно инвестираат во биткоин, на што криптозаедницата чекаше цела деценија.
На овој начин големите институционални инвеститори добија можност да инвестираат во токенот, па на крилата на еуфоријата поврзана со големите количества на пари што се слеаја во тие фондови, биткоинот во март достигна дотогаш највисока цена, од речиси 74.000 долари.
Биографскиот филм „Дражен“ број еден на „Нетфликс“ низ целиот регион
Кошаркарскиот Моцарт, Дражен Петровиќ, е неверојатна спортска и животна приказна. Спортска затоа што и денес има многумина што мислат дека Европа сѐ уште не видела подобар кошаркар, а животна затоа што трагична судбина му ја заврши кариерата на 28 години, кога во нормален тек на настаните допрва би следувале најголемите успеси.
Животниот пат на Петровиќ е идеална основа за филм, од неговата извонредна кошаркарска кариера, неговите играчки достигнувања пред и над неговото време и неговиот трагичен крај, речиси како кошаркарски Џејмс Дин. Всушност, неверојатно е што во триесетте години од неговата смрт немало филмски обиди за прикажување на оваа неверојатна приказна на големото платно.
Што се крие во преговорите на Трамп и Путин за Украина?
Целиот свет, а особено Европа, деновиве бруи за средбата меѓу високите претставници на САД (САД) и Русија во Ријад во рамките на првата рунда преговори за ставање крај на војната во Украина. Лидерите на Европската унија (ЕУ), Украина и Обединетото Кралство одржуваат кризни состаноци, меѓу другото, затоа што беа изоставени од тие преговори, а ЕУ дури и договори нов пакет санкции против Русија како казна за нејзината инвазија на Украина.
Сепак, Украина воопшто не беше во фокусот на четиричасовната средба меѓу тимовите на Доналд Трамп и Владимир Путин во главниот град на Саудиска Арабија. Барем не толку колку што се претпоставува во Европа. А дека обновувањето на дипломатската, економската и друга соработка меѓу САД и Русија беше во многу поголем фокус, сведочат и изјавите на учесниците во преговорите и стерилно напишаните изјави на министерствата за надворешни работи на двете земји.
„Рено“ гледа подобар партнер во „Гили“ отколку во „Нисан“
Партнерството на „Рено“ (Renault SA) со „Гили“ (Geely) може да биде поприродно од долгогодишниот сојуз со „Нисан“ (Nissan Motor Co.), рече главниот извршен директор Лука де Мео. Кинеската автомобилска групација што ги контролира автомобилските брендови вклучувајќи ги „Волво“ и „Лотус“ е одлична компанија, која работи многу брзо, рече Де Мео.
„Има многу работи што може да ги направиме заедно“, рече тој разговарајќи со аналитичарите за заработката на „Рено“. „Партнерството е веројатно поприродно од различните гледишта што ‘Рено’ и ‘Нисан’ ги имаа историски“. „Рено“ и „Гили“ неделава објавија планови за заедничко производство и продажба на електрични возила и возила со ниски емисии во Бразил. Тие веќе работат заедно во Јужна Кореја, како и на мотори со внатрешно согорување и хибридни погонски единици.
.webp){kind=icon}
Во моментов нема коментари за веста. Биди прв да коментира...