Трамп во средата попладне во градината со рози во Белата куќа беше дочекан со силен аплауз кога објави дека дошол Денот на ослободувањето на САД. Тој го потпиша указот со кој ги воведе долгонајавуваните царини и објасни дека тоа е многу едноставно: „Тоа значи дека тие ни го прават тоа, и ние им го правиме тоа ним. Многу едноставно. Не може да биде поедноставно од тоа“.
Сепак, американските аналитичари не го делат неговиот ентузијазам дека царините ќе ги вратат САД во „златната доба“. Напротив, најголем дел од нив смета дека токму Американците најскапо ќе го платат „ослободувањето“.
Волстрит и пред тоа беше место на фрустрација и исцрпеност, а Денот на ослободувањето го дочека со нов пад и зголемен страв дека потегот на претседателот ќе ја потпали инфлацијата и ќе ги ограничи можностите за раст.
Прочитајте повеќе:
Македонија урна рекорд кај готовината во оптек: Испит за инфлацијата?
Американските царини за земјава ќе изнесуваат 33 отсто. Директно, со оглед на обемот на извозот, земјава нема значително да настрада. Индиректно, влогот е голем. Стапија во сила и посебните царини од 25 отсто за автомобилите, а македонските компании се важна алка во синџирот на снабдување на европскиот автомобилски сектор. Негативните последици се неизбежни.
Во земјава повеќемесечниот спор за висината на минималната плата ги извади синдикалците на улица. Раководството на најголемиот синдикат во Македонија прошета од Собранието до Владата и порача дека е на чекор до генерален штрајк.
И оваа недела го анализиравме пазарот на недвижностите, овој пат комерцијалните. Регионалната анализа покажа дека компаниите во Адрија повеќе сакаат да изнајмуваат, а помалку да купуваат деловен простор.
Прочитајте повеќе:
НБА ја освојува Европа, почнува проект за нова баскет лига
Повеќекратно сопствеништво над клубови: Нов модел што го менува фудбалот
Како малку да се американските царини, па автомобилските гиганти од Европа се соочуваат и со значителна казна поради картелско здружување. Најмногу ќе плати „Фолксваген“, компанијата што и без тоа има вистински проблеми.
И за крај повторно Трамп, неговото семејство е подготвено да започне проект насочен кон рударење биткоини со „Хат 8“ во нов обид за ширење на влијанието во светот на криптовалутите. Истовремено, американската компанија „Стратеџи“ (Strategy) на Мајкл Сејлор купи биткоини во вредност од 1,9 милијарда долари, што претставува најголем шопинг на биткоини годинава.
.webp){kind=icon}
Во моментов нема коментари за веста. Биди прв да коментира...