Европската централна банка (ЕЦБ) по првпат по повеќе од една година ги задржа каматните стапки непроменети, откако инфлацијата достигна 2 отсто, а хаотичните трговски преговори со САД и понатаму фрлаат сенка врз економијата.
Добро утро, ова се петте вести што се важни за почеток на денот.
Македонците сѐ повеќе купуваат станови и куќи во Грција
Грција секоја година станува сѐ попривлечна за инвестирање во недвижности, а според износот Македонија е на 25-то место меѓу државите во светот чиишто жители купиле/изградиле некаков имот во нашиот јужен сосед во 2024 година. Македонските граѓани и компании инвестирале 19 милиони евра во недвижности минатата година, покажува статистиката на Банката на Грција и интересот континуирано расте, со оглед дека износот во 2020 година бил само два милиони евра, за следните три години да порасне на седум, 10, и 11 милиони евра респективно.
Неофицијално, износот на инвестиции „со македонско потекло“ е поголем, ако се земе предвид дека македонски граѓани или правни лица инвестираат и со ЕУ пасоши, најмногу со бугарскиот, преку офшор фирми регистрирани на познатите дестинации што важат за даночен рај, итн.
Колку се исплати купување на стан во Грција?
Инвеститорите од ЕУ минатата година инвестирале околу една милијарда евра во недвижности во Грција, што сведочи за големиот интерес, особено на странските купувачи, за станови и куќи во најголемите градови и атрактивните острови на оваа медитеранска земја.
Програмата „Златна виза“ дополнително го поттикнува приливот на капитал, преселбата во Грција и инвестирањето во недвижности. Најбарани се станови од 50 квадратни метри, погодни и за одмор и живеење, како и за издавање под наем, односно развивање бизнис.
Трамп: Земјите ќе се соочат со царини од 15 до 50 отсто
Претседателот на САД, Доналд Трамп, најави дека нема да оди под границата од 15 отсто при поставувањето на таканаречените реципрочни царински стапки што треба да бидат воведни на 1 август. Ова е показател дека основното ниво на новите царини се зголемува.
„Ќе имаме едноставна царина, директна, таа ќе биде меѓу 15 и 50 отсто“, изјави Трамп во средата на самит за вештачка интелигенција во Вашингтон. „Некаде ќе имаме 50 отсто затоа што не сме во добри односи со тие земји.“
Македонските фудбалски клубови не нудат сезонски билети: Во регионот приказната е пољубовна
Сезонските билети за натпреварите на најпознатите фудбалски клубови во регионот се продаваат нашироко, а цените се движат од 15 до 3.000 евра, во зависност од тоа кои фудбалски ѕвезди сакате да ги гледате во живо на теренот и дали ќе платите за обично или за ВИП место на трибините. Исклучок е Македонија, каде што интересот за локалниот фудбал е мал, па затоа не се нудат сезонски билети.
За некои, тоа е само билет - за други, сезонскиот билет е завет за лојалност. Колку се подготвени да платат најлојалните и што добиваат со сезонски билет за фудбалските клубови во регионот Адрија? Ви носиме преглед на цените, поволностите и пораките што Ви ги испраќаат Вашите омилени фудбалски клубови.
Рекордот на Максимовиќ потврдува: Регионот живее од продажба на фудбалски таленти
Кога 18-годишниот Андрија Максимовиќ неодамна потпиша за РБ Лајпциг во трансфер вреден 14 милиони евра, не само што постави нов рекорд во српската Суперлига, туку повторно укажа на фактот дека регионот има многу јасна економска специјализација – производство на фудбалски таленти. Таквите трансфери станаа главен извозен производ на регионалните спортски економии, а случајот со Максимовиќ е само продолжение на трендот што трае последните дваесетина години.
Сепак, српскиот рекорд бледнее во споредба со доминацијата на Хрватска. Јошко Гвардиол во 2021 година од Динамо премина токму во РБ Лајпциг за неверојатни 36,8 милиони евра, што сè уште е највисокиот износ за излезен трансфер во регионот. Хрватската фудбалска лига (ХНЛ), со Динамо и Хајдук како носители, продолжува да произведува елитни таленти, чии трансфери редовно се мерат во десетици милиони евра.
.webp){kind=icon}
Во моментов нема коментари за веста. Биди прв да коментира...