.webp){kind=icon}
Данска откри неидентификуван предмет до рускиот гасовод кој беше оштетен во експлозијата во септември минатата година, додека истражителите продолжуваат да бараат кој стои зад нападот.
Операцијата за извлекување на предметот доаѓа две недели откако германските власти соопштија дека извршиле претрес на брод што можеби превезувал експлозиви користени во нападот на гасоводите „Северен тек“. Со неколку сонди се истражува потеклото на нападот на гасоводите Северен тек 1 и 2, наменети за испорака на природен гас од Русија до Германија под Балтичкото Море.
Швајцарската компанија „Северен тек 2 АГ“, која е оператор на гасоводот - се согласи да помогне во идентификувањето на објектот, за кој Данската агенција за енергетика рече дека би можел да биде поморска димна пловка. Овој вид на уред обично се користи за испраќање сигнали за помош. Агенцијата соопшти дека објектот не претставува директен безбедносен ризик и планира да го подигне од морското дно со помош на воените сили на нацијата.
Прочитај повеќе
Шведска: Истекувањата на гасоводот се предизвикани од детонации
Шведската служба за безбедност соопшти дека детонации предизвикале штета на подводниот гасоводен систем „Северен тек“.
06.10.2022
Во гасоводот 'Северен тек' досега откриени четири пукнатини
Од почетокот на оваа недела гас блика од цевководите, при што Данска проценува дека врските ќе се испразнат до недела.
29.09.2022
Германија се сомнева во саботажа на руските гасоводи
Германија се сомнева дека оштетувањето на системот на гасоводот „Северен тек“ е резултат на саботажа.
27.09.2022
Опасно истекување на гас од Северен Тек во морето во Данска
Почна истрага за ненадејниот пад на притисокот во гасоводот Северен тек 2
27.09.2022
Западните земји ја зајакнаа безбедноста на енергетската инфраструктура по експлозиите, за кои постои сомневање дека се саботажа. Нападот предизвика бран обвинувања, при што Русија ги обвини САД, Украина и Полска.
Русија позитивно гледа на одлуката на Данска да го вклучи „Северен тек 2“ во истрагата, објави Тасс, цитирајќи го портпаролот на Кремљ, Дмитриј Песков.
„Важно е да се утврди природата на објектот, кој може да биде поврзан со нападот на гасоводот“, рече Песков, пренесе руската државна новинска агенција.
Голем број новински организации објавија разузнавачки информации претходно овој месец, кои укажуваат дека можеби зад експлозијата стои проукраинска група.
Лондонски „Тајмс“ објави дека западните безбедносни агенции рано знаеле за украинската врска, но тие се двоумеле да ги објават своите наоди за да спречат тензии меѓу Киев и Берлин. „Њујорк тајмс“ објави дека американските агенции укажале на саботажа од група која ја поддржува Украина.
