Македонија е трета од дното на листата од девет земји членки на Енергетската заедница (ЕЗ) рангирани според степенот на имплементација на ЕУ-регулативата од енергетскиот сектор, а зад нас се само Грузија и Босна и Херцеговина. Според новиот извештај на ЕЗ за 2023 година, нашата земја има реализирано 53 проценти од поставените задачи, исто колку и Молдавија. На листата предводи Србија (63 проценти), на второто место е Црна Гора (61 процент), а на третото место е Украина (59 проценти).
Енергетската заедница ги мери резултатите во пет кластери: пазари и интеграција, декарбонизација на енергетскиот сектор, осигурување енергетска безбедност, подобрување на еколошката средина и перформанси на власта. Нашата земја има најслаб резултат кај енергетската безбедност, а најдобро е оценета кај перформансите на власта.
Кога станува збор за кластерот пазари и интеграција, во извештајот се констатира дека во мај годинава МЕМО го лансирал пазарот на електрична енергија ден однапред и се потенцира дека Македонија сега треба да се фокусира на преземање и имплементација на пакетот за интеграција кај електричната енергија, што е предуслов за спојување на македонскиот и европскиот пазар.
Прочитај повеќе
Бектеши: Цената на струјата нема да се зголеми од 1 јануари
Министерот за економија уверува дека од 1 јануари ќе нема зголемување на износот на фактурата за струјата за граѓаните.
14.12.2023
РКЕ: Ако се прифатат барањата на компаниите, цената на струјата ќе се зголеми за 27 отсто
Воведувањето пристап кон мрежата што Регулаторната комисија го најави пред неколку дена е нов модел.
12.12.2023
Колку инвестиции се потребни за македонската мрежа да ги издржи новите количества струја?
Просечната возраст на македонскиот преносен систем е 42 години.
07.12.2023
Сите предизвици за Македонија на патот на енергетската транзиција
Целта е намалување на стакленичките гасови за 72 отсто до 2050 година во споредба со 1990 година.
28.11.2023
Од Македонија ќе зависи дали ќе стане дел од европскиот пазар на струја
Клучен резултат од денешниот состанок е одлуката да се продолжи животот на заедницата за уште десет години
14.12.2023
Од Енергетската заедница посочуваат дека изминатава година Македонија значително ги прошири енергетските капацитети од обновливи извори и дека има напредок во енергетската ефикасност со фокус на финализирање на измените на Законот за енергетска ефикасност. Се нагласува дека земјава треба да ги донесе законот за обновливи извори на енергија и измените на Законот за енергетска ефикасност.
Кога станува збор за осигурувањето енергетска безбедност, во извештајот се наведува дека регулаторниот орган усвои правила за сајбер-безбедност во јуни 2023 и дека треба да се преземе и да се имплементира ЕУ-регулативата за подготвеност на ризик во секторот за електрична енергија.
Енергетската заедница укажува дека Македонија има ограничен напредок во областа на животната средина.
„Долгогодишното непочитување на плафоните на Националниот план за намалување на емисиите останува нерешено. Мора веднаш да се преземат мерки за намалување на емисиите и да се реши ова прашање“, пишува во извештајот.
.webp){kind=icon}
