Македонскиот банкарски сектор од година на година урива рекорди во профитабилноста. Меѓу главните извори на приходи на банките, освен каматите, се и надоместоците што ги наплаќаат за различните видови услуги. Народната банка од неодамна почна да објавува податоци за надоместоците што ги наплаќаат банките за најрепрезентативните услуги. Нашата анализа покажа дека има големи разлики во висината на надоместоците што за исти услуги ги наплаќаат банките.
Од 20 до 99 денари за одржување платежна сметка
Одржувањето платежна сметка е една од најосновните услуги за кои плаќаат клиентите на банките во Македонија. Надоместоците се движат од 20 до 99 денари во зависност од банката.
Прочитај повеќе
Светот се врти кон зелено кредитирање, Македонија сè уште се освестува
Учеството на зелените кредити во вкупните кредити во земјава е сѐ уште ниско и со крајот на септември 2023 година изнесува 4,4 проценти.
22.01.2024
За седум години банките отпишале кредити вредни 350 милиони евра
Потребен е длабок и ликвиден секундарен пазар за трансакции со нефункционални пласмани.
27.12.2023
Најмногу поплаки за работењето на големите банки во Македонија
Анализата на централната банка покажува дека кај групата големи банки поплаките во 2022 година се зголемени за 25,7 проценти.
27.12.2023
Големи разлики има и во висината на годишната членарина што ја наплаќаат банките при издавање кредитни картички. Некои банки не наплаќаат ваков надомест за првата година од користењето на картичката. Инаку, граѓаните во зависност од банката и картичката, годишно треба да платат од 400 до 1.500 денари.
Слична е состојбата и кај членарините за дебитните картички. Некои банки не наплаќаат надомест, а кај други годишната членарина се движи од 150 до 360 денари.
Готовината нема сегде иста цена
Иако се намалува бројот на граѓани што користат готовина во секојдневието, има случаи кога таа е неопходна. Доколку се најдат во ситуација во која се принудени да извадат готовина од банкомат со кредитна картичка, клиентите од различни банки тоа ќе ги чини различно. Повеќето банки наплаќаат процент од сумата и фиксен надомест, но има и такви што наплаќаат само фиксен надомест.
Таканаречениот траен налог е одличен инструмент за да се заборави „месечната тортура“ на плаќање сметки за комуналии и други режиски трошоци. Таквото задоволство нема цена само кај одредени банки, додека други наплаќаат надоместоци во различна висина, дури и ако трајниот налог е за исплата на средства кај корисник во истата банка.
Според последните анкети на Народната банка, конкуренцијата меѓу банките зачестено се јавува како поттикнувач за намалување на каматите и надоместоците. Банките очигледно имаат многу простор за корекции на надоместоците кај повеќе услуги што ќе мора да ги спроведат доколку би сакале да придобијат клиенти на нивните конкуренти.
.webp){kind=icon}
Во моментов нема коментари за веста. Биди прв да коментира...