БДП забрза - раст од 2,3 отсто во вториот квартал

Економската активност во земјава забрза во вториот квартал од годината. Според проценетите податоци на Државниот завод за статистика, стапката на раст на бруто-домашниот производ во периодот април – јуни изнесува 2.3 отсто.

Ова е највисок на раст на БДП по почетокот на енергетската криза во 2022 година. Тогаш БДП порасна за 2,2 отсто, а минатата година забави на еден отсто. Во првото тромесечје од годинава растот изнесуваше 1,2 отсто.

Најголем пораст во вториот квартал бележи секторот уметност, забава и рекреација (9,5 отсто), потоа стручни, научни и технички дејности (8.7 отсто).

Трговијата на големо и мало бележи раст од 5,8 што е намалување во однос на претходниот квартал (6,9 отсто).

Градежништвото во претходниот квартал излезе од минус и се зголеми за 5,1 отсто, индустријата благо порасна за 0,7 отсто.

Пад бележат рударството за 2,1 и земјоделство за 3,2 отсто.

Финалната потрошувачка на домаќинствата, вклучувајќи ги непрофитните институции кои им служат на домаќинствата, во второто тримесечје од 2024 година, оствари реален раст од 1,3 отсто.

Во истиот период, извозот и увозот на стоки и на услуги се намалува. Значителен реален пад има кај бруто-инвестициите.

Претходната влада проектираше дека БДП во текот на 2024 година ќе се зголеми за 3,4 отсто, но со ребалансот актуелната власт проекцијата ја намали на 2,1 отсто.

Во моментов нема коментари за веста. Биди прв да коментира...

Остави коментар