Колку сме потрошиле во угостителските објекти лани?

Во 2023 година за храна и пиење во угостителските објекти во земјава се слеале 182,7 милиони евра. Оваа сума е за над 10 милиони евра поголема во споредба со 2022 година.

Само за пијалаци лани сме потрошиле над 71 милион евра. Пиењето во угостителските објекти се намалило во однос на 2022 година, покажуваат податоците на Државниот завод за статистика објавени во Годишникот.

Гледано по региони, најмногу промет имало во скопските угостителски објекти. Во 2023 година во нив завршил близу половина од вкупниот промет на државно ниво. Следен регион по висина на прометот е Охридскиот

Цените во угостителскиот сектор се во постојан пораст од почетокот на кризата со инфлацијата во 2022 година.

Според последните податоци на државниот завод за статистика кои се однесуваат на октомври годинава, цените биле за 6,1 отсто повисоки споредено со истиот месец лани.

Кумулативно од почетокот на 2024 година со октомври цените се за 5,6 отсто повисоки во однос на истиот период минатата година.

Во октомври најголем раст на цените забележале безалкохолните пијалаци и лебот, а најмал печените меса и јадењата по нарачка.

Во моментов нема коментари за веста. Биди прв да коментира...

Остави коментар