Речиси две третини или 63,5 проценти од македонските интернет-корисници нарачале/купиле стоки или услуги онлајн во последните 12 месеци, наспроти 53,5 проценти во истиот период во 2023 година, според податоците на Државниот завод за статистика. Од Асоцијацијата за електронска трговија на Македонија (АЕТМ) велат и дека се забележува пораст на направените онлајн купувања/нарачки за 10 процентни поени.
Македонските граѓани, како и во минатите години, најмногу купувале облека (вклучувајќи и спортска облека), чевли или додатоци (на пример чанти и накит). Она што е позитивно и се забележува е порастот на онлајн нарачките кај повеќе категории, а најголем пораст има кај категоријата компјутери, таблети, мобилни телефони или додатоци, при што лани се изјасниле 6,2 проценти од купувачите дека купувале такви производи, а годинава двојно повеќе, 12,8 проценти, потоа кај козметика, производи за убавина или велнес од 13,5 на 22,4 проценти и кај храна или пијалаци од продавници од 4,1 на 7,5 проценти.
Прочитај повеќе
„Амазон“, „Алиекспрес“ и „Тему“ ја живнаа курирската услуга во Македонија
Вкупниот промет со услуги во третото тримесечје годинава бележи раст од 1,4 проценти на годишно ниво, а најзначаен е растот на поштенски и курирски услуги од 20,5 отсто.
13.12.2024
„Тему“ и „Шејн“ нѐ водат во ера на потрошувачка култура на Тикток
„Тему“ и „Шејн“ им се закануваат на локалните продавачи со своите ниски цени.
05.11.2024
„Алибаба“ драстично ги намалува цените поради голема конкуренција
Намалувањето е еден од поагресивните потези на „Алибаба“ да го врати лидерството
03.03.2024
Македонскиот е-купувач прави зделки до 50 евра и најчесто купува облека
Македонскиот е-купувач е сличен на балканскиот, добро е поврзан со интернет, но главно го користи за социјални медиуми, телефонирање, видеоповици...
12.11.2024
Колку Македонци користеле интернет во 2024 година?
Од македонските домаќинства, 90,2 проценти имале интернет-пристап наспроти 88 проценти во истиот период минатата година, додека 91,2 проценти од Македонците на возраст од 15 до 74 години користеле интернет наспроти 85,3 проценти во истиот период минатата година. Притоа, 92,2 проценти од мажите користеле интернет наспроти 90,2 проценти од жените во истиот период. Вкупно 76,4 проценти од Македонците користеле интернет неколкупати во текот на денот, и тоа 78,3 проценти од мажите и 74,6 проценти од жените.
За што се користел најмногу интернет во 2024 година?
Македонците најмногу користат интернет за зборување, социјални мрежи и праќање инстант пораки. Дури 94,6 проценти од нив користат интернет за телефонирање преку интернет/видеoповици (преку веб-камера; употреба на апликации, на пример Скајп, Фејстајм) наспроти 89,2 проценти минатата година. Безмалку 88 проценти од Македонците користеле инстант-пораки, т.е. размена на пораки, на пример преку Месинџер, Вотсап, Вибер, наспроти 75,2 проценти минатата година.
Учество во социјални мрежи (креирање кориснички профил, испраќање пораки или друго на Фејсбук, Инстаграм, Твитер/X итн.) имале 84,2 проценти од интернет-корисниците спрема 76,9 проценти минатата година. Забележано е и зголемување на користењето интернет речиси за сите активности. Намалување на користењето интернет има за информации поврзани со здравјето (повреда, болести, исхрана, подобрување на здравјето итн.), кое е намалено на 55,5 проценти од интернет-корисниците во 2024 година споредено со 67,7 проценти минатата година. Од друга страна, пак, 53,2 проценти од интернет-корисниците праќале/примале електронска пошта наспроти 44 проценти од интернет-корисниците минатата година, 72,5 проценти барале информации за производи/услуги наспроти 54,2 проценти минатата година, а особено е значајно дека 13,7 проценти од интернет-корисниците учествувале во продажба на производи или услуги, преку аукции како што е на пример Ибеј, наспроти само 6,8 проценти што учествувале минатата година. Дополнително, забележано е зголемување на користењето интернет-банкарство од 40 проценти од Македонците, наспроти 32,8 проценти минатата година.
Во однос на полот, жените повеќе сакаат да зборуваат и да праќаат инстант пораки, но и да бараат информации за производи и услуги поврзани со здравјето, додека мажите повеќе користат социјални мрежи, повеќе продаваат производи или услуги онлајн, на пример преку аукции како Ибеј, и повеќе практикуваат интернет-банкарство.
„Најновите податоци на Државниот завод за статистика покажуваат дека Македонците сѐ повеќе користат интернет, но она што е важно е тоа дека е зголемено користењето интернет за праќање е-пошта, за барање информации за производи и услуги и, најважно, за онлајн продавање производи и за интернет-банкарство. Она што најмногу нѐ интересира е онлајн купувањето, кое забележува пораст од 10 процентни поена, како и зголеменото купување повеќе категории на производи. Зголемената понуда на атрактивни промоции и појавата на нови играчи на пазарот го раздвижуваат онлајн пазарот и сѐ повеќе интернет-корисници користат интернет за онлајн купување“, вели претседателката на АЕТСМ, д-р Нина Ангеловска Станков.
.webp){kind=icon}
