Економистот Нуриел Рубини вели дека САД ќе се соочат со длабока рецесија затоа што каматните стапки растат, а економијата е оптоварена со големи задолжувања, нарекувајќи ги очекувањата за блага рецесија - измама.
„Постојат многу причини зошто ќе имаме сериозна рецесија и сериозна должничка и финансиска криза“, вели претседателот и главниот и извршен директор на компанијата Macro Associates за ТВ Блумберг. „Идејата дека ова ќе биде кратко и плитко е огромна заблуда“.
Меѓу причините кои ги наведува Рубини е историски високиот долг по пандемијата. Тој посебно го споменува оптоварувањето на напредната економија, за која вели дека и натаму расте, како и оптоварувањето во некои подсектори.
Тоа се разликите со седумдесеттите, вели тој, кога долгот беше низок и покрај комбинацијата од стагнација на растот и висока инфлација, позната како стагфлација. Сепак, државниот долг порасна од финансиската криза во 2008, која ја следеше нисска инфлација или дефлација заради кредитната криза и шокот врз побарувачката, додава тој.
„Овај пат имаме стагфлаторни негативни шокови на агрегатната понуда и долг кој е историски висок“, вели Рубини кој го носи прекарот доктор Пропаст заради некои од неговите страшни предвидувања.
„Во претходните рецесии, како и во последните две, имавме огромно монетарно и фискално попуштање. Овој пат одиме во рецесија преку заострување на монетарните политики. Немаме фискален простор“.
Загриженоста дека растечките камати ќе ја доведат економијата во рецесија ескалира откако ФЕД агресивно ја заостри монетраната политика за да ја намали највисоката инфлација во последните четири децении. Претседателот на ФЕД, Џероми Пауел, вели дека неуспехот во одржувањето на стабилноста на цените би бил „поголема грешка“ отколку влегувањето на САД во рецесија, за која тврди дека државата може да ја избегне.
Се очекува Пауел и неговите колеги да одобрат уште едно зголемување од 75 базни поени ова анедела откако во јуни ја зголемија стапката најмногу по 1994 година. Се очекува дека ФЕД ќе сигнализира и натамошен раст на каматите во наредните месеци.
„Овој пат имаме врска меѓу стагфлација и тешка должничка криза“, вели Рубини. „Значи, може да биде полошо од 70 – тите и периодот по светската финансиска криза“.
.webp){kind=icon}
Во моментов нема коментари за веста. Биди прв да коментира...