Глобалната економија низ графици: Царините полека стигнуваат до потрошувачите

Најновиот извештај за инфлацијата во САД е најјасниот знак досега дека царините почнуваат да ги зголемуваат трошоците на вообичаено увезуваните потрошувачки производи, додека падот на цените на автомобилите помогна вкупната инфлација да остане под контрола.

Ова е последното мерење на инфлацијата пред состанокот на Федералните резерви кој ќе се одржи кон крајот на месецов. Креаторите на монетарната политика сè уште се поделени околу тоа дали царините ќе предизвикаат еднократно зголемување на цените или ќе претставуваат долгорочен инфлациски ризик.

Во Кина, порастот на бруто-домашниот производ од 5,2 отсто во вториот квартал ги надмина очекувањата, доведувајќи ја официјалната цел за годишен раст од 5 отсто во достижна рамка. Иако силниот извоз помогна да се зголеми оваа бројка, тој истовремено го прикри влошувањето на падот на цените, што претставува закана за влечење на втората по големина економија во светот кон продолжено забавување.

Во продолжение се неколку графикони објавени оваа недела на „Блумберг“, кои ги прикажуваат најновите случувања во глобалната економија, финансиските пазари и геополитиката:

САД

Основната инфлација во САД порасна помалку од очекуваното петти месец по ред во јуни, иако деталите од извештајот покажуваат дека компаниите сè повеќе почнуваат да пренесуваат дел од трошоците поврзани со царините врз потрошувачите.

Bloomberg Mercury

Извештајот им понуди по нешто на сите страни на Федералните резерви, чии креатори на политики се поделени околу тоа дали царините ќе предизвикаат еднократен ценовен шок или ќе доведат до подолготрајна инфлациска закана.

Претседателот Доналд Трамп во средата изјави дека не планира да го отпушти Џером Пауел, иако тоа сепак звучеше како закана.

Коментарите на Трамп дојдоа по неколку бурни часови во кои неговата кампања за притисок врз шефот на Федералните резерви достигна ново ниво — предизвикувајќи краткотраен пад на финансиските пазари.

Bloomberg Mercury

Малопродажбата забележа закрепнување во јуни со широк пораст, што потенцијално може да ја ублажи дел од загриженоста за намалување на потрошувачката од страна на граѓаните.

Во 10 од вкупно 13 категории е забележан раст, изненадувачки поттикнат од продажбата на моторни возила, која порасна по два последователни месеци на пад.

Bloomberg Mercury

Азија

Кинеските фабрики, кои работат со полна пареа, ја спасија економијата што се соочуваше со слаба побарувачка во вториот квартал. Тоа им даде и простор на креаторите на политики да се борат против дефлацијата — доколку решат да направат повеќе од само исполнување на целта за раст.

Номиналниот БДП, кој ги вклучува и ценовните промени, порасна за само 3,9 отсто, што е најниска стапка (со исклучок на пандемијата) откако почна да се мери квартално во 1993 година.

Bloomberg Mercury

Според новата анализа на „Блумберг Економикс“, повеќето индустрии во Кина не можат да опстанат под моменталните царини што ги наметнуваат САД. Сегашните царини, кои изнесуваат околу 40 отсто, се далеку над просечните профитни маргини во индустријата, кои во 2024 година изнесуваа околу 14,8 отсто.

Овој јаз може да поттикне поинтензивно намалување на цените, што ќе ги ослабне профитите, а во најлош случај би можело да доведе до отпуштања и потенцијално до бран на стечаи и затворања на компании.

Според лица упатени во ситуацијата, се очекува претставниците на Банката на Јапонија да размислат за зголемување на дел од нивните прогнози за инфлацијата на претстојниот состанок за монетарна политика подоцна овој месец, откако цените на оризот и храната пораснаа повеќе од очекуваното.

Bloomberg Mercury

Неочекувано, невработеноста во Австралија во јуни се искачи на највисоко ниво во последните четири години, бидејќи вработувањето речиси целосно заостанува, што укажува на слабеење на пазарот на труд и ги зајакнува аргументите Централната банка да ги намали каматните стапки следниот месец.

Bloomberg Mercury

Вработеноста порасна за само 2.000 лица, и тоа целосно преку вработувања со скратено работно време, спротивно на очекувањата на економистите кои прогнозираа пораст од 20.000 работни места.

Европа

Најновите податоци за вработување ја зацврстија сликата за ослабен пазар на труд во Обединетото Кралство, при што невработеноста и таму достигна највисоко ниво во последните четири години.

Стапката на невработеност се зголеми на 4,7 отсто во трите месеци до мај, во споредба со 4,6 отсто во претходниот период.

Bloomberg Mercury

Бројот на вработени е намален за 185.000 во однос на октомври, непосредно пред министерката за финансии Рејчел Ривс да ги најави буџетските измени што ги зголемија трошоците за вработување за компаниите.

Животниот стандард во Обединетото Кралство не е повисок отколку пред една година кога Лабуристичката партија дојде на власт, што ја истакнува кризата со која се соочува премиерот Кир Стармер додека се обидува да го сопре растот на популарноста на партијата на Најџел Фараж.

Глобалната извозна позиција на Германија значително се влошила во последните години, според истражување на Бундес банката, која вината ја припишува на структурни проблеми, а не на царините од страна на САД.

Bloomberg Mercury

Извозот од Швајцарија кон САД закрепна во јуни, што е доказ дека трговијата меѓу двете земји останува силна и покрај притисоците од тековните преговори за царини.

Швајцарија е значаен извозник на лекови за САД, при што производите од компании како „Роше“, „Новартис“ и „Сандоз“ сочинуваат речиси половина од швајцарските стоки испратени во Америка во 2024 година.

Bloomberg Mercury

Пазари во развој

Инвеститорите во обврзници, загрижени поради растечките фискални дефицити, се насочуваат кон необични засолништа: пазарите во развој. Долгорочните обврзници на развиените пазари годинава се под притисок, бидејќи инвеститорите се повнимателни поради јавните расходи, додека обврзниците на азиските пазари во развој станаа привлечна опција.

Bloomberg Mercury

Банката на Индонезија ги намали каматните стапки и изјави дека е подготвена да ги намали дополнително доколку е потребно.

Централните банкари во Ангола ја задржаа каматната стапка непроменета.

Во моментов нема коментари за веста. Биди прв да коментира...

Остави коментар