Фјучерсите за пченица паднаа на најниско ниво од јули 2024 година, бидејќи жетвите се приближуваат во северната хемисфера, а дождовите ги подобруваат условите за род во некои од клучните земји производители.
Многу од водечките светски извозници ќе почнат со жетвата околу средината на годината, што врши притисок врз цените, бидејќи очекуваниот прилив ќе ги зголеми резервите на краток рок, изјави за „Блумберг“ Денис Вознесенски, земјоделски економист во „Комонвелт банката“ од Австралија.
Условите за жетва кај некои од големите производители, како САД и Русија, исто така не изгледаат толку загрижувачки како што се мислеше, додаде тој.
Прочитај повеќе
Маржите одмрзнати, ќе нѐ „замрзнат“ ли новите цени?
Испитавме што се случува со цените во маркетите по одмрзнувањето на трговските маржи.
09.05.2025
„Нестле“ и „Унилевер“ најавуваат нови поскапувања
Светските лидери во производство на храна ќе продолжат со поскапувањата.
24.04.2025
Кога менаџерите ќе добијат напад на глад...
Добре дојдовте во рубриката Менаџери лично на „Блумберг бизнисвик Адрија“, каде што овој пат ги прашавме менаџерите кои грицки им помагаат за да имаат доволно енергија во текот на целиот ден.
11.05.2025
САД и Кина постигнаа „значаен напредок“ во преговорите во Женева
Бесент и Грир рекоа дека се задоволни од преговорите и дека ќе споделат повеќе детали во понеделник.
11.05.2025
Во текот на неделава се очекуваат врнежи низ регионот на Црно Море, објави метеоролошката компанија „Ваисала“ (Vaisala) во петoкот. Тоа ќе ја подобри влажноста на почвата и ќе придонесе за раст на зимската пченица, по сушните периоди и студените бранови во почетокот на сезоната.
Американската влада треба подоцна во текот на денов да ги објави првите глобални проекции за понудата и побарувачката за сезоната 2025–2026. Се очекува агенцијата да ги процени светските резерви на 261,4 милион тони, според просечната прогноза на аналитичарите во анкета на „Блумберг“. Тоа би било нешто повеќе од 261 милион тони колку што се очекува да има на крајот на тековната сезона.
Сепак, резервите на тоа ниво би останале блиску до најниските за последната деценија. Тоа го прави пазарот ранлив во случај на временски нарушувања пред да се собере родот. Некои производствени области во Европската Унија сè уште се суви, се наведува во белешката на „Ваисала“, а земјоделците во Кина исто така се соочуваат со неповолни временски услови.
Кај другите житни култури, сојата достигна двонеделно највисоко ниво, откако САД и Кина пријавија „значителен напредок“ по дводневните преговори насочени кон деескалација на царинската војна. Иако сè уште не се објавени конкретни мерки, ова подобрување на односите би можело повторно да ја отвори запрената трговија со земјоделски производи меѓу двете земји. Кина е најголемиот светски купувач на соја.
Цени:
Фјучерсите за пченица во Чикаго за испорака во јули паднаа за 1,1 отсто, на 5,16 долари за бушел. Тоа е најниско ниво за најактивен договор од јули 2024.
Сојата порасна за 0,2 отсто, откако претходно се зголеми за 1,3 отсто, достигнувајќи највисоко ниво од април 2025.
Пченката се тргуваше за нешто пониска цена.
.webp){kind=icon}
