Германските референтни цени на струјата за следната година, денеска се искачија над 800 евра, што е 10 пати повеќе од истиот период лани. Во Франција, пак, струјата за следната година надмина 1.000 евра, што е најнов рекорд во покачувањето.
Цените на струјата речиси секојдневно уриваат рекорди бидејќи Русија ги ограничува испораките на природен гас пред клучниот зимски период за греење. Невиденот пораст на трошоците за енергија ја поттикнува инфлацијата и ги загрозува финансиите на домаќинствата и бизнисите ширум Европа.
Европските влади почнаа да преземаат драстични чекори за ограничување на употребата на енергија, како што се забрана за надворешно осветлување на зградите во Германија и намалување на температурите за греење во затворените простории. Во Обединетото Кралство, сметките за електрична енергија ќе се зголемат во октомври, откако регулаторот за енергија ја зголеми горната граница на трошоците. Зголемените цени може да принудат многу луѓе во земјата да ја намалат потрошувачката на енергија бидејќи не можат да си ги дозволат цените предвидени за оваа зима.
Прочитај повеќе
Збогум на топлата вода и уличните светилки - како ЕУ штеди енергија
Европа нема друга опција освен да ја намали потрошувачката.
26.08.2022
Францускиот договор за година однапред денеска порасна за цели 13 отсто до 1.022 евра за мегават-час на Европската енергетска берза АГ (European Energy Exchange AG). Германскиот еквивалент, исто така достигна рекорд, растејќи до 840 евра за мегават-час, со пораст од 50 отсто за оваа недела.
Цената на струјата во Франција и Германија продолжува да урива рекорди
Цените исто така се зголемија откако француската ЕДФ (Electricite de France SA) објави дека голем број од нејзините нуклеарни централи ќе се вратат на мрежата подоцна од очекуваното. Тие блокови ќе бидат клучен извор на енергија оваа зима, додека природниот гас и натаму е во мали количини.
.webp){kind=icon}
Во моментов нема коментари за веста. Биди прв да коментира...