Веста за падот на сирискиот режим и за бегството на претседателот Башар ал Асад уште ја бранува јавноста во светски рамки. А и како да не ја бранува кога неговото семејство владееше со земјата повеќе од половина век. Асад ја презеде власта промовирајќи младешки имиџ и ветувајќи олабавување на контролата на владата, но брзо потоа ги смени ставовите. Неговата владетелска историја забележува многу протести и граѓанска војна, па дури и употреба на хемиско оружје.
И додека се прават горки анализи на која страна да се биде, ние анализиравме и една слатка страна. Зошто чоколадото од Дубаи е толку скапо и дали е оправдана неговата цена?
Неволјите во автомобилската индустрија се прекршуваат на производителите на делови
На неволјите во автомобилската индустрија им нема крај. Транзицијата кон електрични возила (ЕВ) е многу попредизвикувачка и поскапа од очекуваното, а колективната индустрија се бори со плитка побарувачка. Банкротот на „Нортволт“, кој беше фокусиран на ЕВ и беше еден вид „перспективно момче“ во индустријата за компоненти за електрични автомобили, ја разниша перспективата за електричната транзиција на многу инвеститори. Особено кога ќе се земе предвид колкав капитал собра, меѓу другото, од „Фолксваген“. Конкуренцијата од Кина се заканува да го освои пазарот на ЕУ, преку приближување (локализација) на производството и регрутирање работна сила од (меѓу другото) европски конкуренти. Во меѓувреме, европските производители се борат со сопствените проблеми.
Читајте ја нашата анализа за состојбите во автомобилскиот сектор и погледите за во иднина.
„Фич“: Раст на автоиндустријата од два отсто во 2025 и пригушени цени на глобално ниво
Рејтинг агенцијата „Фич“ за следната година го оценува како неутрален автомобилскиот сектор во светски рамки. Се очекува раст на овој пазар од два отсто на глобално ниво со пригушени цени поради големата конкуренција.
„Неутралните изгледи за глобалниот автомобилски сектор ги одразуваат нашите очекувања за стабилна производствена средина, при што глобалната продажба на лесни возила се предвидува да се зголеми за околу два отсто. Овој раст ќе биде нерамномерно распределен низ регионите, бидејќи европските и кинеските пазари се соочуваат со макроекономски предизвици. Очекуваме цените да останат пригушени поради ескалацијата на конкуренцијата“, пишува во образложението на „Фич“.
Прв македонски автохтон вински квасец: Зошто е тоа битно?
Производството на вино не е само бизнис туку и уметност, која, освен квалитетот на грозјето, ја отсликува и уникатноста на локацијата каде што се наоѓа виновата лоза. Во оваа насока компанијата „Биоинженеринг“ од Скопје, водечка во применета микробиологија и биотехнологија во Македонија, го издвои првиот македонски автохтон вински квасец, подготвен за индустриска примена.
Проектот „Македонски автохтони вински квасци“ е почнат во 2017 година, со основањето на истражувачкиот центар за применета микробиологија и биотехнологија „Д-р Кунгуловски“, како составен дел од компанијата „Биоинженеринг“, и е значително кофинансиран од Фондот за иновации и технолошки развој. Целта била изолација и карактеризација на квасци специфични за македонските вински региони.
Откако ќе се искуси четиридневна работна недела, тешко е враќањето назад
Краткорочниот експеримент во Германија со четиридневна работна недела заврши, но за голем дел од компаниите што учествуваа во него нема враќање назад. „Не сакам повеќе да работам во петок. Едноставно не сакам“, вели Сорен Фрике, коосновач на фирмата за организирање настани „Солидсенс“. „Петок практично стана трет ден од викендот“.
„Солидсенс“ е една од 45-те компании што учествуваа во шестмесечниот експеримент во кој вработените работеа помалку часови, но добиваа целосна плата. На крајот, 73 отсто од учесниците посочиле дека се подготвени трајно да ја воведат оваа промена или да го продолжат експериментот.
Со „карта на можности“ до работа во Германија дури и без познавање на јазикот
Од 1 јуни годинава, Германија го удвои бројот на годишни работни визи за земјите од Западен Балкан на 50.000. Овие мерки, заедно со воведувањето на картата на можности, отворија повеќе шанси за граѓаните на Македонија да се вклучат на германскиот пазар на труд.
Картата на можности овозможува едногодишен престој без претходно да се има понуда за работа, договор или семејни врски, како основ за добивање дозвола за престој. Дополнително важно е да се напомене дека за да се добие нововоспоставената карта на можности не е задолжително познавање на германскиот, туку како алтернатива се бара англискиот јазик. Поточно, кандидатот е доволно да има А1 ниво на знаење на германски или Б2 ниво на познавање на англиски јазик.
.webp){kind=icon}
Во моментов нема коментари за веста. Биди прв да коментира...